तेजन्यूज हेडलाईन्सच्या सर्व वाचकांना पहिला वर्धापन दिन व दिपावलीच्या हार्दिक सुभेच्छा


Sunday, 30 July 2017

अफ्रिका व ईजिप्त देशात थिरकणार गेवराईतील 'शिवाजीरावांचा' तबला

सुभाष मुळे..
-----------
गेवराई, दि. 30 __ महाराष्ट्र राज्याच्या मराठवाडय़ातील विशेषतः बीड जिल्ह्य़ाच्या गेवराई तालुक्यातील धोंडराईचे भूमिपुत्र शिवाजी गायकवाड यांनी संगीत क्षेत्रात उल्लेखनीय कामगिरी केली. आता अफ्रिका व ईजिप्त या देशात 'शिवाजीरावांचा' तबला थिरकणार आहे.
      महाराष्ट्रातील प्रसिद्ध तबला वादक व बीड जिल्हयाच्या गेवराई तालुक्यातील धोंडराईचे भूमिपुत्र शिवाजी गायकवाड यांचा धोंडराई गाव, तालुका, जिल्हाच नव्हे तर महाराष्ट्र राज्यास अभिमान आहे. तबला अलंकार, तालरत्न शिवाजी गायकवाड हे भारत देशाचे  सांगितीक प्रतिनिधित्व करण्यासाठी मोरेक्को ( नॉर्थ अफ्रिका ) आणि ईजिप्त ( कैरो ) या परदेश दौऱ्यावर दि.12 अॉगस्ट रोजी रवाना होत आहेत. उत्तराखंड येथील थंड हवेचे ठिकाण म्हणून प्रसिद्ध असलेल्या मसुरी येथील मसुरी इंटरनॅशनल स्कूलचे संगित शिक्षक म्हणून शिवाजी गायकवाड हे कार्यरत आहेत. धोंडराई येथील तबला वादक शिवाजी गायकवाड यांनी गेवराई येथील आर.बी. अट्टल महाविद्यालयात पदवीचे शिक्षण घेतले. पुढे संगीत शिक्षण घेऊन करिअरसाठी त्यांना मसुरीच्या शाळेने संगीत शिक्षकपदी नियुक्त केले. शाळा-महाविद्यालयात त्यांनी अनेक संगीत वाद्य कार्यक्रम केले. अनेक गायक, वाद्य कलावंत घडविले, युवा महोत्सव गाजविले. नॉर्थ आफ्रिका व इजिप्त कैरो या देशात त्यांना तबला सादरीकरणासाठी निमंत्रित करण्यात आले आहे. भारतातून फक्त तिघांचीच निवड झाली आहे. आणि महाराष्ट्रातुन एकमेव बीड जिल्हयाच्या गेवराई तालुक्यातील धोंडराईचे भूमिपुत्र शिवाजी गायकवाड यांचीनिवड झाली.
      या निवडीबद्दल संगीतकार भारत अण्णा लोळगे, ह.भ.प. उत्तम नाना मोटे, आ. अमरसिंह पंडित, आ. लक्ष्मणराव पवार, माजी राज्यमंत्री बदामराव पंडित, प्राचार्या डॉ. रजनी शिखरे, डॉ. मुरलीधर मोटे, अॅड. सुभाष निकम, प्रा. बापु घोक्षे, प्रकाश भुते, प्रा. केशव हमने, प्रा. राजेंद्र बरकसे, राजाभाऊ काळे, अंतरकर साहेब, आनंद दाभाडे, महेश नागरे, अक्रूर महाराज, शाहीर रामभाऊ मुळे, अशोक जायभाये, शाहीर व गीतकार विलासबापू सोनवणे, अभिनेते आणि दिग्दर्शक डॉ. सुधीर निकम, ज्ञानेश्वर मोटे, प्रशांत रुईकर, मुकुंद टाक, मधुकर बैरागी, नगराध्यक्ष सुशील जवंजाळ, गेवराई शहर व तालुक्यातील संगीतप्रेमी मित्रांनी शिवाजी गायकवाड यांचे अभिनंदन करून शुभेच्छा व्यक्त केल्या आहेत.

╭════════════╮
   ▌ प्रतिनिधी 'सुभाष मुळे' गेवराई, बीड
--------------------------------
'तेजन्यूज हेडलाईन्स' आॅनलाईन वेबवाहीनी
मो.नं./व्हाॅट्स अॅप : 94 2224 3787  ▌
                          ╰════════════╯

No comments:

Post a Comment