नाथसागर जायकवाडी धरणातील पाणी साठ्यात होतेय भरमसाठ वाढ

सुभाष मुळे...
----------------
गेवराई, दि. 31 __ पैठणच्या नाथसागर जायकवाडी धरणात होणारी पाण्याची आवक सुरूच असून धरणाच्या पाणी पातळीत वाढ होत आहे.
      धरणात मागील 24 तासात 64.479 दलघमी (2.27 टी.एम.सी.) इतक्या पाण्याची आवक झाली आहे. सद्या धरणातील पाणीसाठा 2281.674 दलघमी (80.56 टी.एम.सी.) असून त्यापैकी जीवंत पाणी साठा 1543.568 दलघमी (54.50 टी.एम.सी.)  इतका आहे. सद्या जायकवाडी धरण 71 टक्के इतके भरले असून त्याची अंशीकडे कूच सुरू आहे. नाशिकमध्ये अद्यापही पावसाचा जोर कायम असल्याने धरणात होणारी पाण्याची आवक कायम राहणार आहे.
     यामध्ये जायकवाड़ी धरणाची पाणी पातळी 462.163 मी. असून धरणातील पाणीसाठा 2281.674 दलघमी (80.56 टी.एम.सी.)  त्यापैकी जीवंत पाणी साठा:- 1543.568 दलघमी (54.50 टी.एम.सी.)  आवक :-  26354 क्युसेक आहे. 1 जुन 2017 पासुन एकूण आवक:- 50.67 टी.एम.सी. एकूण पाणी साठा:- 2281.674 दलघमी (80.56 टी.एम.सी.) जीवंत पाणी साठा:- 1543.568 दलघमी (54.50 टी.एम.सी.) धरणाची टक्केवारी:- 71.10 %, मागील 24 तासातील पाऊस:-  00 मी.मि. तर 1 जुन 2017 पासुन एकूण पाऊस:- 467 मी.मि. असा आहे.

╭════════════╮
   ▌ प्रतिनिधी 'सुभाष मुळे' गेवराई, बीड
--------------------------------
'तेजन्यूज हेडलाईन्स' आॅनलाईन वेबवाहीनी
मो.नं./व्हाॅट्स अॅप : 94 2224 3787  ▌
                          ╰════════════╯

गेवराईत खेळाडू, क्रीडा शिक्षक, पंच, प्रशिक्षकांचा राष्ट्रीय क्रीडादिनी गौरव

विशेष प्रतिनिधी...
--------------------
गेवराई, दि. 31 __ महिला महाविद्यालयात आयोजित करण्यात आलेल्या आंतर शालेय तालुका स्तर व्हॉलीबॉल स्पर्धेत विविध वयोगटात आर.बी. अट्टल महाविद्यालय, शारदा विद्या मंदिर, इंदिरा गांधी स्कुल, न्यू हायस्कुल महिला कॉलेजचा संघ आपापल्या गटात विजयी झाले. भारतीय ऑलिम्पिकमध्ये हॉकीचा सुवर्णपदक मिळवून देणारे जादूगार मेजर ध्यानचंद यांचा जन्मदिवस राष्ट्रीय क्रीडा दिन गेवराई येथील महिला महाविद्यालयात एका भव्य कार्यक्रमात राष्ट्रीय खेळाडू, जेष्ठ क्रीडा शिक्षक, पंच, प्रशिक्षक यांचा गौरव आणि शालेय तालुका स्तर व्हालीबॉल स्पर्धा घेऊन साजरा करण्यात आला.
      कार्यक्रमाच्या अध्यक्षस्थानी प्राचार्या डॉ. कांचन परळीकर तर प्रमुख उदघाटक म्हणून पत्रकार सुभाष मुळे, प्रमुख उपस्थिती एन एन सी. ऑफिसर एस.पी.सूर्यवंशी यांची होती. दीप प्रज्वलित करून आणि मेजर ध्यानचंद यांच्या प्रतिमेचे पूजन करून स्पर्धेचे उदघाटन करण्यात आले. प्रास्ताविक तालुका क्रीडा स्पर्धा प्रमुख प्रा. राजेंद्र बरकसे यांनी केले. उदघाटनपर भाषणात पत्रकार सुभाष मुळे यांनी विद्यार्थ्यांना शिकवून परिक्षा घेतली जाते आणि काहींना शिकण्यापुर्विच परिस्थितीशी परिक्षा द्यावी लागते हे द्विआंगी क्रम विद्यार्थ्यांनी लक्षात घेऊन भाग्यवान युवकच या स्तरापर्यंत येऊन पोहचतात. शारीरिक आणि मानसिक परिस्थिती सुधारण्यासाठी खेळाडूंनी नियमित व्यायाम, समतोल आहार, शालेय अभ्यास या गोष्टींकडे गांभीर्याने लक्ष द्यावे आणि आपल्या शाळेचे, गावाचे, तालुक्याचे, जिल्हयाचा नावलौकिक वाढवावा असे सांगितले. अध्यक्षीय भाषणात प्राचार्या डॉ. कांचन परळीकर या म्हणाल्या की, खेळाडूंनी खेळ खेळत असताना खिळाडू वृत्ती जोपासून सांघिक एकता आणि सुदृढता अंगी बाळगावी असे आवाहन केले. उपस्थितांचे स्वागत क्रीडा विभागप्रमुख डॉ. प्रविण शिलेदार, प्रा.बाबू वादे, महेश घोलप, डॉ. संजय तळतकर आदींनी केले. या कार्यक्रमात राष्ट्रीय खेळाडू चंद्रसेन सोनवणे, सय्यद गफ्फार भाई, गोपाळ मोटे, रुपाली राठोड, मयूर मोटे, केतन गायकवाड, मोसीन शेख, आकांक्षा देवकर, श्रद्धा साळुंके, तुषार शिंदे आदी खेळाडू व जेष्ठ क्रीडा शिक्षक महादेव घोळवे, केशव बारगजे, प्रा.बडवे, सुरेश गरड, देविदास गिरी, भोसले, सुदाम गुंजाळ यांचा पाहुण्यांच्या हस्ते सत्कार करण्यात आला. कार्यक्रमाचे सूत्रसंचालन प्रा.बाबू वादे यांनी केले.
       तालुका स्तर व्हॉलीबॉल स्पर्धेत 14, 17, 19 वर्षे वयोगटातील मुले आणि मुली यांचे 16 संघ सहभागी झाले होते. विविध गटात आर.बी. अट्टल कॉलेज, महिला कॉलेज, शारदा विद्या मंदिर, इंदिरा गांधी इंग्लिश स्कूल ,न्यू हायस्कुल संघ विजयी झाले. ऑफिशियल पंच जबाबदारी जेष्ठ खेळाडू  रुपाली राठोड, अविनाश वाघमारे, सोमेश्वर टाक, प्रशांत सिरसाट, बॉबी माटे, महेश नाईक, राहुल सोनकांबळे यांनी पार पाडली. स्पर्धा यशस्वी पार पाडण्यासाठी क्रीडा विभागप्रमुख डॉ. प्रविण शिलेदार, डॉ. भीष्मा रासकर, डॉ.बापू घोक्षे, सुरेश तळतकर, प्रा.चव्हाण, डॉ.सावंत, प्रा.गोकुळ कदम, डॉ.किवणे, प्रा. शिवाजी दिवाण, प्रा.खरात आदींनी परिश्रम घेतले.

╭════════════╮
   ▌ प्रतिनिधी *गेवराई* बीड
--------------------------------
'तेजन्यूज हेडलाईन्स' आॅनलाईन वेबवाहीनी
मो.नं./व्हाॅट्स अॅप : 94 2224 3787  ▌
                          ╰════════════╯

श्रम नाकारणाऱ्या शिक्षण पध्दतीमुळे समाजाची अधोगती - डॉ.राजन गवस

सुभाष मुळे....
-----------------
गेवराई, दि. 31 __ "आपली संस्कृती ही श्रमाची संस्कृती आहे. मॅकॅलेने भारतात इंग्रजी शिकवण्याची परवानगी घेऊन शिक्षण आणि श्रम यामध्ये फारकत निर्माण केली. श्रम हे आपल्या समाजाचे सामर्थ्य आहे. हे सामर्थ्यच संपुष्टात आणले गेले. शिक्षणाची साक्षरता यासाठी आपल्याला समजून घेणे गरजेचे आहे. आपल्या शिक्षण व्यवस्थेचा गाभा 'पाठ्यपुस्तक' झाले आहे. एखादा विषय का अभ्यासायचा ह्याचे ध्येय, उद्दिष्टे, अभ्यासक्रम या संपूर्ण प्रक्रियेत फक्त पाठ्यपुस्तक हेच केंद्र झाले आहे" परिणामी श्रम नाकारणाऱ्या या शिक्षण पध्दतीमुळेच समाजाची अधोगती असल्याचे प्रतिपादन श्री. शिवाजी विद्यापीठ, कोल्हापूर येथील मराठी विभाग प्रमुख डॉ. राजन गवस केले.
   मराठवाडा शिक्षण प्रसारक मंडळ संचलित र.भ.अट्टल महाविद्यालय, गेवराई, जि. बीड येथे भाषा विषयाच्या प्राध्यापकांच्या एक दिवसीय उद्बोधन शिबिराच्या प्रसंगी ते बोलत होते. 'भाषा आणि शिक्षण साक्षरता' या विषयावर ते मार्गदर्शन करीत असतांना शिक्षण साक्षरता या संकल्पनेवर त्यांनी भर दिला. डॉ. सुरेश पैठणकर या सत्राच्या अध्यक्षस्थानी होते. स्थानिक नियामक मंडळाचे सदस्य अॅड. आनंद सुतार यांनी शिबिराचे उदघाटन केले. प्राचार्य डॉ. रजनीताई शिखरे या सत्राच्या अध्यक्षस्थानी होत्या. यावेळी अॅड. एच. एस. पाटील, श्री. तुकाराम आबा मस्के, श्री. दत्तात्रय पिसाळ, डॉ. कैलास अंभुरे, शिबिर संयोजक डॉ. विजयकुमार बांदल, डॉ. संदीप बनसोडे यांची उपस्थिती होती. इंग्रजी विषयाच्या उदबोधन सत्रात डॉ. विजयकुमार बांदल यांच्या अध्यक्षतेखाली डॉ. दिगंबर गंजेवार यांनी मार्गदर्शन केले. प्रा. उमेश राठोड यांनी सुत्रसंचालन केले तर प्रा. कठाळे यांनी आभार मानले. हिंदी विषयाच्या सत्रात डॉ. बाबासाहेब आंबेडकर मराठवाडा विद्यापीठाच्या हिंदी विभागाचे माजी विभागप्रमुख डॉ. गणेशराज सोनाळे यांनी 'साहित्य की चुनौतिया और वर्तमान समय' या विषयावर मार्गदर्शन केले. या सत्राचे अध्यक्ष डॉ. राजेंद्र चव्हाण होते. प्रा. संतोष नागरे यांनी सूत्रसंचालन केले. भाषा विषयाच्या प्राध्यापकांच्या एक दिवसीय उदबोधन शिबिराचा समारोप प्राचार्य डॉ. रजनीताई शिखरे यांच्या उपस्थितीत झाला.
     याप्रसंगी डॉ. समिता जाधव, डॉ. पालकर यांनी शिबिरार्थी म्हणून मनोगत व्यक्त केले. डॉ. समाधान इंगळे यांनी आभार मानले. या शिबिरासाठी विविध समित्यांची स्थापना करण्यात आली होती. यामध्ये डॉ. भगत, डॉ. सटाले, डॉ. सिरसाट, प्रा. काळे यांच्यासह प्राध्यापक व कर्मचाऱ्यांनी परिश्रम घेतले.

╭════════════╮
   ▌ प्रतिनिधी 'सुभाष मुळे' गेवराई, बीड
--------------------------------
'तेजन्यूज हेडलाईन्स' आॅनलाईन वेबवाहीनी
मो.नं./व्हाॅट्स अॅप : 94 2224 3787  ▌
                          ╰════════════╯

शिवसेना संपर्कप्रमुख बबनराव थोरात यांना सह्याद्री उद्योग समूहाकडून २०१७ चा सह्याद्री राज्यकर्ता पुरस्कार जाहिर

हिंगोली  -  शिवसेना संपर्कप्रमुख बबनराव थोरात यांना सह्याद्री उद्योगसमूह व महाराष्ट्र बहुजन पत्रकार संघ .अहमदनगर यांचा २०१७ चा सह्याद्री राज्यकर्ता पुरस्कार जाहीर झाला आहे.

महाराष्ट्राच्या मातीत जन्म घेतलेला प्रत्येक व्यक्ती राजकारणाशी निगडीत आहे.परंतु राजकारण म्हणजे केवळ सत्तासंघर्ष व सत्ता स्पर्धा एवढाच अर्थ सर्वसामान्य घेत आहेत.परंतु राजकारण म्हणजे समाजकारण असा अर्थ मात्र सर्वजण विसरले आहेत.बबनराव थोरात यांनी राजकारणात वावरताना पुन्हा एकदा त्यांच्या कार्यातुन"राजकारण म्हणजे लोकसेवा,जनकल्याण व लोकजागृती" हे दाखवून दिले आहे.या लोकसेवेसाठी ब-याच वेळा त्यांनी स्वताःच्या आयुष्याची व वेळेची आहुती देऊन कार्य केले आहे. पदरमोड करुन समाजसेवा केलेली आहे.थोरात यांनी लाभाच्या सत्तापदाचा कधीच हव्यास न करता लोकांच्या मताचा सन्मान केला आहे.त्यामुळे ते राजकारणात असुनही लोकांचे सेवक व सहकारी मित्र बनून राहिले आहेत.सत्तेत असुनही त्यांनी सत्तेचा वापर स्वतःसाठी केला नाही.
       शिवसेना संपर्कप्रमुख बबनराव थोरात हे राजकारणात जरी सक्रीय असले तर तालुक्यातील किंवा राज्यातील सर्वसामान्य जनतेसाठी त्यांनी कायमच वेळ देऊन अनेक लोकांची कामे केली आहेत याचा अनुभव अनेक लोकांना आला आहे अशी समाजभिमुख कामे करणारी माणसे खूप कमी असतात.
       या पुरस्कार निवडीने सर्वोत्कृष्ट लोकसेवकाचा सन्मान व त्यांच्या कार्याचा गौरव झाल्याने सर्वसामान्य माणसांकडून याचे स्वागत करण्यात येत आहे.

पालम येथे मा.ना.सुरेशराव वरपुडकर याचा कॉग्रेस कमेटी कडून जंगी सत्काराचे आयोजन

अरुणा शर्मा

पालम :- येथे दिनांक 2 सप्टेंबर रोजी देविदासराव कॉम्पलेक्स बसस्टेशन येथील कॉग्रेस कार्यलयात तालुक्यातील सर्वे कॉग्रेसच्या पदाधिकारयाची व कार्यक्रत्याची बैठकिचे आयोजन करण्यात आले असुन या बैठकिस सत्कार मुर्ती मा.ना.श्री सुरेशरावजी वरपुडकर कॉग्रेस जिल्हाअध्यक्ष परभणी हे राहणार आहेत. परभणी महापालिका जिंकल्या बदल त्याचा जंगी सत्कार ठेवण्यात आला आसुन यावेळी सत्कार समारंभ संपल्या नंतर परभणी येथे आखिल भारतीय राष्टीय कॉग्रेस पक्षाचे उपाध्यक्ष मा.खा.राहुलजी गांधी यांच्या शेतकरी संवाद सभा च्या नियोजना साठी बैठकीचे आयोजन करण्यात आले आहे. तरी पालम तालुक्यातील व शहरातील सर्वे पदाधिकारी व कार्यक्रर्ते यांनी उपस्थित रहावे असे आव्हाण पालम कॉग्रेस तालुका अध्यक्ष गुलाबराव सिरस्कर (दादा) यांनी केले आहे.

ताडकळस येथे पोलिसांचे पथसंचलन

ताडकळस प्रतिनिधी
गोविंद मठपती
ताडकळस शहरात  पोलिसांच्या वतीने पथ संचलन करण्यात आले. गणेशोत्सव आणि ईद निमित्त ताडकळस शहरात तगडा पोलीस  बंदोबस्त लावण्यात  आल्याची माहीती  ठाणेदार महेश लांडगे यांनी आज दिली. सद्या  शहरात गणोशोत्सव मोठ्या आनंदात साजरा होत आहे .कोणत्याही ठिकाणी अनुचित प्रकार घडणार नाही त्या अनुषंगाने पोलीस प्रशासन सज्ज झाले आहे.  दि 2  सप्टेंबर शनिवार रोजी बकरी ईद असल्याने पोलिसांनी जातीय सलोखा राखत सण उत्सव साजरे करण्याचे आवाहन  साजरे करण्याचा संदेश पथसंचालणातून सपोनी महेश लांडगे  यांनी केले आहे .बुधवार रोजी ठिक  सायकाळी 6 वाजता पोलीस ठाणे आंतर्गत शहरामध्ये   पथसंचालन करण्यासाठी पोलिस माधव जंगम ,रामेश्वर निळे,उत्तम किरडे, संभाजी शिंदे ,बालाजी शेबेवाड,संपद राठोड, किशोर गुठ्टे,ज्ञानोबा खंटीग ,प्रकाश भालेराव,चितामणी जाधव,सतोष बेंद्रे व होमगार्ड, आर.ए लोंढे .सी.एम भोसले.एस एम जाधव.आर ए सुर्यवशी.ए बी आबोंरे.आदि.

महाराष्ट्र राज्य प्राथमिक शिक्षक संघाच्या वतीने नव्याने रुजु झालेले गटशिक्षणाधिकारी दिलीप शहागडकर यांचा सत्कार

 

    प्रतिनिधी : भोकरदन

    तत्कालीन गटशिक्षणाधिकारी देवराव पांडव साहेब यांना निरोप, हया एकत्रित कार्यक्रमाचे आयोजन तालुका शाखेच्या वतीने करण्यात आले होते. कार्यक्रमासाठी राज्य प्रातिनिधी शिवाजी बापूसपकाळ, सुनिल वानखेडे, जिल्हा अध्यक्ष अजहर पठाण , कार्याध्यक्ष आण्णा इंगळे, कार्यकारी अध्यक्ष भगवान भालके यांची उपस्थिती होती. गट शिक्षणाधिकारी दिलीप शहागडकर यांचा सत्कार तालुका अध्यक्ष प्रदिप इंगळे केला, तर तत्कालीन गटशिक्षणाधिकारी पांडव साहेबांचा सत्कार आण्णा इंगळे यांनी केला.कार्यक्रमाच्या प्रस्ताविकात बबन जंजाळ यांनी तत्कालीन गट शिक्षणाधिकाऱ्याच्या दोन वर्षाच्या कौतुकास्पद कार्याचा आढावा सादर केला. त्यास प्रमाणे त्यांच्या पुढील कार्यास संघटनेच्या वतीने शुभेच्छा दिल्या. याप्रसंगी प्रा. देविदास पाटील सचिव शिक्षण संस्था वरुड व पंजाबराव देशमुख शिक्षण परिषद यांच्या वतीने सुध्दा सत्कार करण्यात आला. याप्रसंगी शिक्षण विस्तार आधिकारी जैनसाहेबांनी सुध्दा आपले विचार व्यक्त केले. तत्कालीन गटशिक्षणाधिकारी पाडं व यांनी आपले मनोगत व्यक्त करतांना सर्वाच्या सहकार्याचे अभार व्यक्त केले व नवीन गटशिक्षणाधिकारी साहेबांना शुभेच्छा दिल्या. सत्कार मुर्ती गट शिक्षणाधिकारी शहागडकर यांनी येणाऱ्या काळात आपण सर्वाच्या सहकार्याने शैक्षणिक स्तर उंचवण्यासाठी काम करू. प्रत्येक केंद्रार्गतं ,एक उपक्रमशील शाळा निवडून इतर शाळेस मदत पोहचू व प्रगती शिल करण्याचा प्रयत्न करू. शिक्षकांचे सर्व प्रश्न निकाली काढण्याचा प्रयत्न केला जाईल, असे मत व्यक्त केले. कार्यक्रमांच्या  प्रसंगी मनोज लोखंडे, योगेश गाडेकर, विठ्ठल सपकाळ, सुखदेव सपकाळ, सांडू पवार , रमेश वाघ,पुंडलीक सोनुने, तंगे सर, जाधव सर, गोपाल काटोले, नवनाथ पालोद कर, केडी वाघ, भास्कर कढवणे, सुरेश इंगळे, घायळ्सर, जे.वाय. सय्यद, केंद्र प्रमुख आर.एच. सोनवणे. किशोर काळे, पाठक सर बहुसंख्य पदाधिकारी उपस्थित होते.

    

      मधुकर सहाने : भोकरदन

ढोल ताशांच्या गजरात सातव्या दिवशी गणरायाचे विसर्जन

११ हजार ३४१ गौरी-गणपतींचे विसर्जन; गणेश भक्तांचा मोठा उत्साह

सिंधुदुर्ग दि.31ऑगस्ट आबा खवणेकर यांजकडून:-फटाक्यांची आतिश बाजी, ढोल - ताशांचा नाद आणि गणरायाच्या जयघोषाच्या गजरात मंगळवारी पाच दिवसानंतर जिल्ह्यातील आज गुरुवारी सात दिवसांच्या गौरी गणपतींना भक्तिभावाने निरोप देण्यात आला. रात्री उशिरापर्यंत बाप्पाला निरोप देण्यात येत होता. पोलिस यंत्रणेच्या माहितीनुसार जिल्ह्यातील सात दिवसांच्या ११ हजार ३४१ घरगुती गौरी गणपतींचे विसर्जन करण्यात आले..

श्री गणरायांची गणेश चतुर्थीच्या मुहूर्तावर जिल्ह्यात ३५ सार्वजनिक तर ६७ हजार ७४० घरगुती गणरायाची स्थापना करण्यात आली होती. मंगळवारी पाच दिवसाच्या १६ हजार ४२१ घरगुती व ४ सार्वजनिक गणरायाला भक्तीपूर्ण वातावरण भाविकांनी निरोप दिल्यानंतर आज जिल्ह्यातील सात दिवसाच्या गौरी गणपतींची विधिवत पूजा, आरती करून व नैवेद्य दाखवून तलावावर व नदीच्या ठिकाणी विसर्जनास सुरुवात केली. मात्र जिल्ह्यात सायंकाळपासून सुरु झालेले विसर्जन रात्री उशीरापर्यंत सुरू होते. एक दोन तिन चार... गणपतीचा जय जयकार,  गणपती बाप्पा मोरया, पुढच्या वर्षी लवकर या चा गजर सर्वत्र ऐकू येत होता. रात्री उशिरापर्यंत तलाव, नद्या आणि गणेश घाटावर मोठ्या संखेने भाविक उपस्थित होते. विसर्जन स्थळांवर जिल्हा पोलिस दलाच्या वतीने पोलीस तैनात असून भाविकांच्या सुरक्षेकडे काटेकोरपणे लक्ष देण्यात आले..

सात दीवसाच्या ११३४१ बाप्पांचे विसर्जन

जिल्ह्याच्या पोलिस यंत्रणेकडून मिळालेल्या माहीती नुसार जिल्ह्यातील सात दिवसाच्या ११ हजार ३४१ गौरी गणपतींना भक्ति भावाने निरोप देण्यात आला. यात दोडामार्ग पोलिस ठाणे हद्दितील ७५६, बांदा- ६२०, वेंगुर्ला - ९२०, कुडाळ - ११८०, सावंतवाडी- १४७५, निवती- ८६६, सिंधुदुर्गनगरी - ८५५, मालवण- ९८७, आचरा- ६७०, कणकवली - १२१५, देवगड - ०, विजयदुर्ग - १०३६, वैभववाडी- ७६१ गणरायांचा समावेश आहे.

भावपूर्ण वातावरणात बाप्पाला निरोप

सिंधुदुर्ग जिल्ह्यातील आठही तालुक्यांमध्ये सातव्या दिवशी मोठ्या प्रमाणात मोठ्या प्रमाणात विसर्जन झाले़ ठिक ठिकाणी विसर्जनासाठी गुलालाची उधळन करत बाप्पा मोरया रे़ बाप्पा मोरया रे, गणपती बाप्पा मोरया, पुढच्या वर्षी लवकर या अशा घोषणांचा जयघोष केला़ ढोल ताशांच्या तालावर मिरवणूका या विसर्जनाच्या निमित्ताने जिल्ह्यात रात्री उशिरापर्यंत काढल्या होत्या़ जोरदार फटाक्यांच्या आतषबाजीकरत भावपूर्ण वातावरणात गणेश मूर्तींना जिल्ह्यातील गणेश भक्तांनी सातव्या दिवशी निरोप दिला़..

मालेगाव येथे पोलिसांचे पथसंचलन

महादेव हरणे
मालेगांव

मालेगाव शहरात  पोलिसांच्या वतीने पथ संचलन करण्यात आले. गणेशोत्सव आणि ईद निमित्त मालेगावात तगडा पोलीस  बंदोबस्त लावण्यात  आल्याची माहिती मालेगाव  ठाणेदार सुरेश नाईकनवरे यांनी आज दिली. सद्या जिल्ह्यात गणोशोत्सव मोठ्या आनंदात साजरा होत आहे .कोणत्याही ठिकाणी अनुचित प्रकार घडणार नाही त्या अनुषंगाने पोलीस प्रशासन सज्ज झाले आहे.  दि 2  सप्टेंबर शनिवार रोजी बकरी ईद असल्याने पोलिसांनी जातीय सलोखा राखत सण उत्सव साजरे करण्याचे आवाहन  साजरे करण्याचा संदेश पथसंचाळणातूनठाणेदार सुरेश नाईकनवरे यांनी केले आहे .आज  दुपारी 1 वाजता पोलीस विभागाच्या वतीने  मालेगाव शहरामध्ये   पथसंचालन करण्यासत आले . यावेळी मालेगाव ठाणेदार सुरेश नाईकनवरे, वाशिम एल सी बी चे  ठाणेदार  प्रकाश डुकरे पाटील . सायबर क्राईमचे वाशिम ठाणेदार रवींद्र देशमुख ,  वाशिम शहर वाहतूक शाखेचे विलेकर मॅडम यांच्यासह  एस आर पी एफ हिंगोली   , दंगा काबू  पथक,होमगार्ड, आणि  मालेगाव पोलिसांचा सहभाग होता  .

महादेव हरणे
9922224889

सुकाणू समितीची २६ सप्टेंबरला जळगाव येथे भव्य शेतकरी परिषद

तेजन्युज हेडलाईन्स प्रतिनिधी
परभणी : येथे सुकाणू समितीच्या राज्य कार्यकारिणीच्या बैठकीत निर्णय झाला असून शेतकऱ्यांची संपूर्ण कर्जमुक्ती, शेतीमालाला रास्त भाव व स्वामिनाथन आयोगाच्या शिफारशींची संपूर्ण अंमलबजावणी या प्रमुख मागण्यांसाठी सरकारला अंतिम इशारा देण्यासाठी  सुकाणू समितीच्या वतीने दिनांक २६ सप्टेंबर २०१७ रोजी जळगाव येथे शेतक-यांची कर्जमुक्ती व हमीभावासाठी भव्य परिषद घेण्यात येणार आहे. शेतकरी संघटनांच्या सुकाणू समितीच्या परभणी येथे संपन्न झालेल्या बैठकीत हा निर्णय घेण्यात आला.
शेतकरी आंदोलनास संपूर्ण राज्यभरातून अभूतपूर्व प्रतिसाद मिळत आहे. शेतकरी सर्व प्रकारची बंधने झुगारून आंदोलनात सहभागी होत आहेत. सुकाणू समितीने १४ व १५ ऑगस्ट रोजी पुकारलेल्या आंदोलनाला शेतक-यांनी अत्यंत उत्स्फूर्त प्रतिसाद देत आपला लाखोंचा सहभाग नोंदविला आहे. सरकार तरीही शेतकऱ्यांच्या मागण्या मान्य करायला तयार नाही. ऑनलाईनचा घोळ घालीत व अटी शर्ती लादीत लाखों शेतक-यांना कर्जमाफीपासून वंचित ठेवले जात आहे. शेतीमालाला रास्त भाव व स्वामिनाथन आयोगाच्या शिफारशींबाबत कोणतीही ठोस कारवाई करण्यास सरकार तयार नाही. उलट दडपशाही करून आंदोलन कमजोर करण्याचे विफळ प्रयत्न सरकार करत आहे. अशा पार्श्वभूमीवर सरकारला अंतिम इशारा देण्यासाठी जळगाव येथे या परिषदेचे आयोजन करण्यात आले आहे. राज्यभरातून हजारों शेतकरी या परिषदेत सामील होतील व सरकारला मागण्या मान्य करायला भाग पाडतील असा विश्वास सुकाणू समितीने व्यक्त केला आहे.
शेतकरी संप आणि १४ व १५ ऑगस्ट रोजीच्या शेतकरी आंदोलनाच्या पार्श्वभूमीवर राज्य सरकारने राज्यभर शेतकरी कार्यकर्त्यांवर खोट्या केसेस दाखल केल्या आहेत. अनेक ठिकाणी कार्यकर्त्यांना अटक करून जेलमध्ये ठेवण्याचे प्रकारही झाले आहेत. परभणी येथील कार्यकर्त्यांना विशेष लक्ष्य करण्यात आले आहे. अशा पार्श्वभूमीवर लढणा-या कार्यकर्त्यांच्या मागे ठामपणे उभे राहण्यासाठी व कोणत्याही दडपशाहीला न जुमानता शेतकरी आंदोलन पुढे घेऊन जाण्यासाठी सुकाणू समितीची बैठक जाणीवपूर्वक परभणी येथे घेण्यात आली.
सुकाणू समितीमध्ये सामील असणा-या सर्व संघटनांचे प्रतिनिधी बैठकीसाठी उपस्थित होते. सुकाणू समितीत नव्याने सामील होऊ इच्छिणा-या काही नव्या संघटनांचे प्रतिनिधीही बैठकीसाठी हजर होते.
शेतकरी कर्जमाफीसाठी सरकारने ऑनलाईन अर्ज भरण्याचा अनावश्यक घोळ सुरू केला आहे. शेतक-यांना या प्रक्रियेचा आत्यंतिक त्रास होतो आहे. सरकारने शेतक-यांना अशा प्रकारे त्रास देणे थांबवावे व बँकांकडे उपलब्ध असलेल्या माहितीच्या आधारे सर्व शेतकऱ्यांचे संपूर्ण कर्ज सरसकट माफ करावे अशी मागणी सुकाणू समितीच्या वतीने पुन्हा एकदा या बैठकीच्या निमित्ताने करण्यात आली.
सरकारने शेतकरी कार्यकर्त्यांना पोलीस बळाचा व खोट्या केसेसचा वापर करून त्रास देण्याचे प्रयत्न चालविले आहेत. दडपशाहीच्या मार्गाने लढा कमजोर करण्याचे प्रयत्न सुरू आहेत. सुकाणू समितीच्या राज्य कार्यकारिणीने सरकारच्या या दडपशाहीचा तीव्र शब्दात धिक्कार केला असून कोणत्याही दडपशाहीला न जुमानता लढा पुढे सुरू ठेवण्याचा दृढ संकल्प सुकाणू समितीने व्यक्त केला आहे.
सुकाणू समितीच्या आवाहनाला प्रतिसाद देत राज्यभर शेतकऱ्यांनी दिनांक १४ व १५ ऑगस्ट रोजी लाखोंच्या संख्येने आंदोलनात सहभाग घेत आंदोलनाच्या कृती यशस्वी केल्या. सुकाणू समितीच्या राज्य कार्यकारिणीने आंदोलनात सहभागी झालेल्या शेतकऱ्यांचे व कार्यकर्त्यांचे हार्दिक अभिनंदन केले. आंदोलनाच्या पार्श्वभूमीवर मुख्यमंत्र्यांनी शेतक-यांच्या मागण्यांची व भावनांची दखल घेऊन प्रश्न सोडविण्यासाठी पावले टाकणे अपेक्षित होते. प्रत्यक्षात मात्र मुख्यमंत्र्यांनी सकारात्मक प्रतिसाद न देता तोल गेल्यासारखी ‘उथळ व बेजबाबदार’ वक्तव्य केली. शेतकरी नेत्यांना व कार्यकर्त्यांना ‘देशद्रोही’ म्हणण्यापर्यंत त्यांची मजल गेली. सुकाणू समितीच्या राज्य कार्यकारिणीने मुख्यमंत्र्यांच्या या बेजबाबदार व बेताल वर्तनाचा तीव्र शब्दात धिक्कार केला.
सुकाणू समितीत सामील सर्व संघटना एकजुटीने काम करत आहेत. सर्व नेते व संघटना ही एकजूट टिकविण्यासाठी कटिबद्ध आहेत. एकजूट फोडण्यासाठी होणारे सर्व प्रयत्न हाणून पाडून ही एकजूट टिकविली जाईल. एकजुटीला बाधा येईल असे कोणतेही वर्तन सहभागी संघटना करणार नाहीत. सुकाणू समितीत आंदोलनाबाबत व पुढील वाटचालीबाबत झालेल्या निर्णयांची अंमलबजावणी सर्व सहभागी संघटना एकमताने करतील असेही यावेळी स्पष्ट करण्यात आले. अनेक संघटना नव्याने सुकाणू समितीत सहभागी होऊ इच्छित आहेत. अशा सर्व शेतकरी संघटनांना सुकाणू समितीत कामाच्या आधारे सामावून घेण्याचा निर्णय यावेळी घेण्यात आला.
अखिल भारतीय स्तरावर सुरू असलेल्या शेतकरी आंदोलनाप्रति सुकाणू समितीने भ्रातृभाव व्यक्त केला आहे. शेतकरी आंदोलनाची अखिल भारतीय एकजूट साध्य करण्यासाठी सुकाणू समिती सकारात्मक प्रयत्न करेल असेही यावेळी जाहीर करण्यात आले आहे.
बैठकीनंतर निर्णयांची माहिती देण्यासाठी सुकाणू समितीच्या सदस्यांनी यावेळी उपस्थित कार्यकर्त्यांबरोबर व पत्रकारांबरोबर संवाद साधला. परभणी येथील दडपशाही विरोधात एक निवेदन यावेळी परभणी जिल्हाधिकारी यांना देण्यात आले. शेकडो शेतक-यांनी यावेळी सुकाणू समिती सदस्यांसाठी घरून शिदोरी आणल्या होत्या. जिल्हाधिकारी कार्यालयासमोर शेतकऱ्यांनी आणलेल्या या शिदोरी खात सरकारच्या दडपशाहीचा यावेळी तीव्र निषेध व्यक्त करण्यात आला.
शेतकरी नेते रघुनाथ दादा पाटील, आ. बच्चू कडू, बाबा आढाव, डॉ.अशोक ढवळे, डॉ. अजित नवले, संजय पाटील घाटणेकर, सुशीला मोराळे, करण गायकर, गणेश कदम, किशोर ढमाले, प्रतिभा शिंदे, गणेश जगताप, किसन गुजर, रोहिदास धुमाळ, सुभाष वारे, अनिल देठे, विश्वास उटगी, राजू देसले, सुभाष लोमटे, संतोष वाडेकर, नामदेव गावडे, एस.बी.पाटील, प्रशांत पवार, कालिदास अपेट, बाळासाहेब पटारे, खंडू वाकचौरे,माणिक कदम, राजाभाऊ देशमुख आदी कार्यकर्ते यावेळी उपस्थित होते.