तेजन्यूज हेडलाईन्सच्या सर्व वाचकांना शुभ दिवसाच्या हार्दिक सुभेच्छा


विद्यार्थ्यांच्या वैयक्तीक प्रगती कडे विषेश लक्ष देणारी शाळा ‘G D' इंग्लीश स्कूल

पाथरी शहरातील बालकांना स्पर्धेच्या युगात दर्जेदार इंग्रजी शिक्षण देण्या साठी दोन वर्षा पुर्वी जायकवाडी परिसरात एक एक्कर क्षेत्रात संचालक राम घटे सर, शेख सलीम सर या व्दयांनी "G D“ इंग्लीश स्कूल सुरू केली या साठी अतिषय निसर्ग रम्य असा शाळेचा परिसर बनवला असून शाळेच्या सर्व क्लास रुम डिजिटल केलेल्या आहेत. या शाळेत नर्सरीते ६ वी पर्यंत वर्ग सुरू असून अतिषय गुणवत्ता पुर्ण शिक्षणा बरोबरच बालमनात लपलेल्या सुप्त कला गुणां साठी संगीत,नृत्य, भारतीय खेळ,चित्रकला, स्वरक्षणा साठी कराटे प्रशिक्षण ही दिले जाते. प्रशिक्षित पदविधर शिक्षकांच्या नियुक्त्या केलेल्या असल्याने आणि प्रत्यक विद्यार्थ्यांच्या सर्वांगीन प्रगती कडे संचालक आणि गुरूजनांचे लक्ष असल्याने प्रवेशा नंतर विद्यार्थ्यांची गुणवत्ता महिणा भरातच दिसून येत असल्याची प्रतिक्रीया पालकां मधून व्यक्त होते. पहिल्या वर्षी १८८ दुस-या वर्षी २२४ असा वाढता आलेख दिसून आला.शिक्षणा सोबतच विविध उपक्रम घेऊन बालकांना आकर्षक बक्षिसे विविध मान्यवरांच्या हस्ते प्रदान केली जातात. आंतरराष्ट्रीय पब्लिकेशन्स ची दर्जेदार पुस्तके उपलब्ध करून दिली जातात त्या मुळे स्पर्धा परिक्षे सारखी तयारी करण्याची माणसिकता विद्यार्थ्यांची तयार करून घेतली जाते. ऑलंपियाड सारख्या देशपातळी वरील स्पर्धा परिक्षा घेतली जाते वर्षी या शाळेचे ११३ विद्यार्थी या परिक्षेत यशस्वी झाले तर ४७ विद्यार्थ्यी या परिक्षेत सुवर्ण पदकाचे मानकरी ठरले. या बरोबरच विद्यार्थ्यां साठी अतिषय नियोजन बद्ध असे वार्षिक स्नेहसंमेलन घेऊन विद्यार्थ्यांच्या कलागुणांनां वाव दिला जातो या सोबतच स्टेज करेज याव म्हणून विविध कार्यक्रमांच्या माध्यमातून विद्यार्थ्यांना स्पिच देण्याची संधी मिळून दिली जाते. अशा या शहरातील नामवंत शाळेत या वर्षी प्रवेशा साठी नर्सरीते ६ वी वर्गा साठी पालक आपल्या पाल्याच्या प्रवेशा साठी धडपडत आहेत. या शाळेचे अजून एक वैशिष्ट्य म्हणजे प्रदुशन मुक्त वातावरण, शहराच्या निवांत, शांत असलेल्या भागात असल्याने बालकांना सुरक्षितता आणि निरामय स्वास्थ्य, आरोग्य अनुभवायला मिळते. शाळेत पुर्ण वेळ आर आे चे पाणी उपलब्ध असते. अशा या पाथरी शहरातील सर्वगुण संपन्न "G D” इंग्रजी शाळेत प्रवेश संख्या मर्यादित असल्याने पालकांनी गुणवत्ता पुर्ण शिक्षणा साठी आपल्या पाल्याला लवकरात लवकर प्रवेशीत करण्याचे आवाहन संचालक राम घटे, शेख सलीम यांनी केले आहे.
Adv

Saturday, 5 August 2017

बैठक घेण्यात विलंब प्रकरणी तहसिलदारांची होणार चौकशी


सुभाष मुळे..
-----------
गेवराई, दि. 5 __ गेवराईसह बीड जिल्ह्यात संजय गांधी व श्रावण बाळ सारख्या निराधारांना लाभ देण्यासाठी स्थापन केलेल्या समित्यांच्या बैठका आठ-आठ महिणे होत नसल्यामुळे हजारो अर्ज मंजुरीसाठी प्रलंबित आहेत. निराधारांना चाकरमान्या प्रमाणे महिण्याच्या एक तारखेला अनुदान वितरीत करावे यासह निराधारांच्या मागण्यांबाबत राष्ट्रवादी काँग्रेस पार्टीचे प्रदेश सरचिटणीस आ. अमरसिंह पंडित यांनी विधान परिषदेत तारांकित प्रश्‍न दाखल केला होता. प्रश्‍नाच्या उत्तरात शासनाने वस्तुस्थिती मान्य केली असुन समितीची बैठक घेण्यात विलंब केल्या प्रकरणी तहसिलदारांच्या चौकशीचे आदेश दिले आहेत.
      गेवराई तहसिल कार्यालयात मोठा सावळा गोंधळ असुन संजय गांधी निराधार योजना समितीची बैठक मागील आठ महिण्यात एकदाही न झाल्यामुळे सुमारे सहा हजार निराधारांचे अर्ज मंजुरीसाठी प्रलंबित होते. ग्रामीण भागातील निराधार, वयोवृद्ध आणि अपंग लाभार्थी सतत गेवराई तहसिलचे उंबरे झिजवत होते, मात्र सत्ताधार्‍यांनी समितीची पदे घेवुन निराधारांना वार्‍यावर सोडल्यामुळे त्यांचे हाल होत होते. निराधारांच्या प्रश्‍नांबाबत राष्ट्रवादी काँग्रेस पार्टीचे प्रदेश सरचिटणीस आ. अमरसिंह पंडित सातत्याने संवेदनशिल आहेत. त्यांनी हा विषय तारांकित प्रश्‍नाच्या माध्यमातुन विधान परिषदेत दाखल केला.
  आ. अमरसिंह पंडित यांनी गेवराई तालुक्यात संजय गांधी व श्रावण बाळ सह इतर निराधार योजनेतील लाभार्थ्यांची प्रकरणे मंजुर करण्यासाठी समितीची बैठक घेण्यास आठ-आठ महिणे विलंब झाला असुन त्यामुळे सुमारे सहा हजार अर्ज मंजुरीच्या प्रतिक्षेत आहेत का ? असा प्रश्‍न उपस्थित केला. त्यावर स्थानिक निवडणुकांच्या आचारसंहितेमुळे संजय गांधी निराधार योजना समिती बैठक होवु शकली नाही तरी प्रलंबित लाभार्थ्यांचे अर्ज निकाली काढण्या बाबत समितीची बैठक घेण्याची कार्यवाही सुरु आहे असे मोघम उत्तर देण्यात आले. पुढे आ. अमरसिंह पंडित यांनी तालुकास्तरीय बैठक नियमीत व विहीत मुदतीत घेवुन निराधारांचे अनुदान महिण्याच्या एक तारखेला व्हावे आणि बैठक घेण्यास विलंब झाल्या प्रकरणी जबाबदार असणार्‍या विरुद्ध शासन कोणती कारवाई करणार ? असा सवाल केला. त्यावर निवृत्ती वेतनाचे वाटप महिण्याच्या एक तारखेला करणे बाबत शासनाने दि. २७ जुन २०१३ च्या शासन निर्णयानुसार निर्देश दिलेले असुन दि. १०/४/२०१५ रोजीच्या पत्रानुसार जिल्हाधिकारी यांना सुचना दिलेल्या आहेत तर बैठक घेण्यास आणि लाभार्थ्याची प्रकरणे मंजुर करण्यास झालेल्या विलंबा बाबत तहसिलदार,गेवराई यांची चौकशी करण्यात येवुन कारवाई करण्यात येणार असल्याचे शासनाच्या वतीने या प्रश्‍नाला सामाजिक न्याय मंत्री राजकुमार बडोले यांनी लेखी उत्तरात म्हटले आहे.
       निराधारांच्या या प्रश्‍नामुळे तहसिल प्रशासनात खळबळ उडाली असुन तालुक्यातील निराधारांच्या प्रश्‍नाला आणि मागण्यांना न्याय दिल्याबद्दल आ. अमरसिंह पंडित यांचे अभिनंदन करण्यात येत आहे.

╭════════════╮
   ▌ प्रतिनिधी 'सुभाष मुळे' गेवराई, बीड
--------------------------------
'तेजन्यूज हेडलाईन्स' आॅनलाईन वेबवाहीनी
मो.नं./व्हाॅट्स अॅप : 94 2224 3787  ▌
                          ╰════════════╯

No comments:

Post a Comment