मा.आ.बाबाजानी दुर्रानी साहेबांची विधानपरिषदेवर राकाँ कोट्यातून बिनविरोध निवड झाल्या बद्दल हार्दिक अभिनंदन आणि वाढदिवसा निमित्त तेजन्यूज हेडलाईन्स कडून हार्दिक शुभेच्छा...!

Friday, 30 June 2017

पॅनकार्ड आणि आधार लिंक करण्यासाठी मुदतवाढ जाहीर


सुभाष मुळे...
-------------
नवी दिल्ली : तुम्ही तुमचे पॅनकार्ड आणि आधारकार्ड एकमेकांशी जोडले अर्थात लिंक केले नसेल तर ही बातमी तुमच्यासाठीच आहे. ज्या पॅनकार्डधारकांनी त्यांचे पॅनकार्ड आधारसोबत लिंक केलेले नाही त्यांचे पॅनकार्ड १ जुलैपासून बाद होणार नाहीये.
     सुरूवातीच्या अहवालांमध्ये सरकारतर्फे पॅनकार्ड आणि आधारकार्ड लिंक करण्याची मुदत १ जुलैपर्यंत देण्यात आलेली होती. ज्यानुसार पॅनकार्ड आणि आधार कार्ड लिंक करणे सक्तीचे करण्यात आले होते. तसेच मुदतीपर्यंत पॅनकार्ड लिंक करण्यात आले नाही तर ते बाद होईल असेही आयकर विभागाने म्हटले होते. मात्र आता ही सक्ती काही दिवसांसाठी शिथील करण्यात आली आहे. नेमक्या किती तारखेपर्यंत ही मुदत आहे हे लवकरच आयकर विभातर्फे जाहीर करण्यात येणार आहे.
     आज मध्यरात्रीपासून देशात जीएसटी नावाची नवी करप्रणाली लागू होते आहे. स्वातंत्र्यानंतर देशाच्या कर रचनेत पहिल्यांदा बदल होतो आहे. या पार्श्वभूमीवर आयकर विभागाने आधार आणि पॅनकार्ड एकमेकांसोबत संलग्न करण्याचे आदेश देऊन त्याची मुदत १ जुलैपर्यंतच ठेवली होती. अन्यथा तुमचे पॅनकार्ड बाद होईल असे म्हटले होते. मात्र आयकर विभागाने दिलेल्या नव्या माहितीनुसार ही मुदत वाढवण्यात आली आहे. आधार आणि पॅन लिंक करताना अनेक लोकांना अनेक अडचणी येत आहेत. या अडचणींमध्ये आधार आणि पॅन लिंक करण्याची वेबसाईट ओपन न होणे ही मुख्य अडचण आहे. त्यामुळे पॅनकार्ड उद्यापासून अर्थात १ जुलैपासून बाद होणार नाहीयेत. लवकरच यासंदर्भातली तारीख जाहीर करण्यात येईल असे आयकर विभागाने म्हटले आहे.

╭════════════╮
   ▌ प्रतिनिधी 'सुभाष मुळे' गेवराई, बीड
--------------------------------
'तेजन्यूज हेडलाईन्स' आॅनलाईन वेबवाहीनी
मो.नं./व्हाॅट्स अॅप : 94 2224 3787  ▌
                          ╰════════════╯

डाॅक्टर आणि देव" एकाच" नाण्याच्या दोन बाजू 


आशिष धुमाळ
परतूर

आजच्या ‘डॉक्टर्स डे’च्या निमित्ताने रुग्ण व डॉक्टरांचे परस्पर संबंध अधिकाधिक निकोप होऊन घट्ट व्हावेत आणि हे आमचे डॉक्टर व हा माझा पेशंट ही सुहृद्य भावना अधिक रुजावी-फुलावी यासाठी डॉक्टर, रुग्ण, नातेवाईकांनी प्रयत्न करायला हवेत.
डॉक्टर आणि देव या एकाच नाण्याचे दोन बाजू आहेत असे समजण्याचा एक काळ होता. मात्र आता व्यवसायिक जगात डॉक्टर आणि रुग्ण यांच्यातही व्यवहारिक नाते निर्माण होऊ लागले आहे. फॅमिली डॉक्टर ही संकल्पनाही संपुष्टात येऊ लागली आहे. यात समाजव्यवस्थाच दोषी दिसत आहे.
एका बाजूला ग्राहक संरक्षण कायदा आणि दुसर्‍या बाजूला रुग्णहित. या संवेदनशील कात्रीत डॉक्टर अडकले आहेत. याचा बर्‍याचवेळा विचार होत नाही. रुग्णांना कमीत कमी आर्थिक मोबदल्यात उत्तम सुविधा पुरविण्याच्या धावपळीत डॉक्टरांची दमछाक होते आणि त्यांचा ताण वाढतो. ही बाबही ‘डॉक्टर्स डे’च्या निमित्ताने लक्षात घ्यायला हवी.

रोग होण्यापूर्वी काळजी घ्या
मनुष्याला कोणताही रोग अचानक येत नाही. त्याची सुरुवात पूर्वी कुठेतरी झालेली असते. यासाठी रोग होण्यापूर्वी प्रतिबंधक उपाय योजले पाहिजेत. त्यासाठी प्रत्येकाने व्यायाम, आहार व वजन याकडे लक्ष देणे आवश्क आहे. अलीकडे प्रत्येकजण संगणकाशी जोडला आहे. त्यामुळे खेळ, व्यायाम बंद झाले आहे. याचा परिणाम आरोग्यावर होत आहे. विशेष म्हणजे मधुमेह, रक्तदाब, हृदयविकार हे सगळे आहार व्यायाम याच्या विनियोजनाने वाढत आहे. यासाठी नागरिकांनीच प्रतिबंधात्मक उपाय योजणे आवश्यक आहे. यासाठी डॉक्टरांची जेवढी जबाबदारी आहे तेवढी नागरिकांचीही आहे. नागरिकांनी यात आपला सक्रिय सहभाग दिल्यास आरोग्य उत्तम राहणार आहे.

*जनतेनेही सतर्क राहावे*
सार्वजनिक आरोग्य सेवेच्या बाबतीत सरकार प्रयत्नशील असतेच. मात्र त्याबरोबरच जनतेनेही सतर्क राहिले पाहिजे. रोग होण्यापूर्वी प्रतिबंधात्मक उपाय योजणे गरजेचे आहे. आपल्या देशात 80 टक्के जनता गरीब आहे. या गरीब जनतेच्याच आरोग्याची हेळसांड होत आहे. तसेच सार्वजनिक आरोग्याकडेही दुर्लक्ष केले जात आहे. त्यासाठी आरोग्याबाबत जनजागृती होणे गरजेचे आहे. विविध सामाजिक संस्था यासाठी प्रयत्नशील असतात. त्यांना जनतेचेही सहकार्य आवश्यक आहेच. त्याचबरोबर वैद्यकीय क्षेत्रातील तज्ज्ञांनी यामध्ये सक्रिय सहभाग घेतला तर सामाजिक संस्थांच्या कार्यास अधिक व्यापकता येईल आणि विश्वासार्हताही निर्माण होणार आहे.

*विश्वासार्हता हवी*

अलीकडे वैद्यकीय क्षेत्राला व्यावसायिक स्वरुप आल्याने फॅमिली डॉक्टर ही संकल्पना कालबाह्य झाली आहे. मात्र रुग्णांशी कौटुंबिक, जिव्हाळ्याचे नाजूक आणि हळुवार संबंध जपणारी फॅमिली डॉक्टर ही संकल्पना जपली पाहिजे. त्यासाठी डॉक्टर आणि रुग्ण यांच्यामध्ये विश्वासार्ह संबंध असले पाहिजेत. बाजारीकरणाच्या युगात डॉक्टर-रुग्ण हे संबंध जपले पाहिजेत. त्यासाठी डॉक्टरांनी नैतिकता अन् रुग्णाने नीतीमत्ता जपायला हवी तरच विश्वासार्ह संबंध निर्माण होतील.

*गैरसमज नसावा*
डॉक्टरांनी रुग्णांना अन् नातेवाईकांनी त्यांना  आजाराबाबत आणि खर्चाबाबत पूर्ण माहिती द्यायला हवी. रुग्णाने कोणतीही माहिती अपुरी देऊ नये. त्यामुळे डॉक्टर-रुग्ण यांच्यात गैरसमज होणार नाहीत.
*डॉक्टर्स डे* च्या सर्व वैद्यकीय बांधवांना व सर्वांना खुप खुप शुभेच्छा!!
डॉ.स्वप्निल बी.मंत्री
बालरोग तज्ज्ञ
परतूर जिल्हा जालना

धुळ्यातील शेतकऱ्यांनी कमी खर्चात तयार केले मोटरसायकलचे कोळपे


____________________________

वाढलेली महागाई, शेतीमालाल मिळणारा कमी भाव, जनावरांच्या वाढलेल्या किंमती या सर्व आव्हानांवर मात करत शेती करणे दिवसेंदिवस जिकीरीचे ठरत आहे. या पार्श्वभूमीवर धुळे जिल्ह्यातील कावठी येथील प्रगतीशील शेतकऱ्यांनीएकत्र येऊन कल्पकता वापरून कमी खर्चात मोटारसायकलवर चालणार कपाशीचे कोळपे तयार केले आहे. कमी खर्चात कोळपणी होत असल्याने या कल्पक कोळप्याला शेतकऱ्यांची पसंतीमिळत आहे.धुळे जिल्ह्यातील कावठी (ता.धुळे) येथील प्रगतीशील शेतकरी भास्कर शांताराम पाटील (भडगावकर) आणि युवा मिस्तरी, नितिन तानकू सोनवणे यांनी एकत्रित येऊन मोटारसायकलवर चालणारे कोळपे तयार केले आहे. दोन दिवसात तयार करण्यात आलेल्या या आधुनिक पद्धतीने बनविलेल्या कोळप्यामुळे बैलजोडीच्या खर्चाची बचत, कमीत कमी मनुष्यबळात कोळपणी व तुलनेते कमी वेळात कोळपणी पूर्ण या त्रिसूत्रीचा लाभ होत आहे. हे हायड्रोलिक पद्धतीचे कोळपे कुठल्याही मोटरसायकलला जोडून सुरू करता येऊ शकते. तशी त्याची खोल फिटींग करून जोडता येते. तशी साधी, सोपी आणि सहज रचना करण्यात आली आहे. सुरुवातीला प्रायोगिक तत्वावर सुरु करण्यात आलेले हे कोळपे चाचणीत यशस्वी ठरल्याने त्याचा शेतात प्रत्यक्ष वापर सुरू झाला आहे. कावठीच्या शेतकऱ्यांसाठी हे कोळपे म्हणजे अभिमानास्पद बाब ठरली आहे. या आधुनिक कोळप्या बाबत बोलताना शेतकरी पाटील यांनी सांगितले की, या कोळप्यामुळे आतापर्यंत दोन बिघे कपाशी कोळपणी झाली आहे. उर्वरीत सहा बिघे कपाशी कोळपणीचे काम सुरू आहे. तुलनेत बैलजोडी पेक्षा मोटरसायकलवर लवकर कोळपणी केली जात आहे. लोखंडी अथवा लाकडी कोळप्यापेक्षा हे कोळपे अधिक फायदेशीर आहे. हे कोळपे तयार करण्यासाठी कावठे गावातील युवा शेतकरी सोनु जाधव, समाधान शिंदे, भरतनेरकर, स्वानिल पाटील, मंहेद्र शिंदे, सुरेश मोरे, गणेश शिंदे, विकासदेवरे, विनोद मोरे आदींचे सहकार्य लाभले आहे.

      - भास्कर शांताराम पाटील (भडगावकर), प्रगतिशील शेतकरी, कावठी ता.धुळे.

कोळप्याचे वैशिष्ट्ये.....

= हायड्रोलिकचा वापरामुळे सहज कोणत्याही मोटरसायकलला जोडणी करणे शक्य.

= शॉकप्सर बसविल्याने कोळपणी करताना दगड, त्रासदायक काडी कचरा, कोळप्याला लागला तर मोटरसायकला तीव्र झटका लागून बॅलन्स जाणार नाही.

= कपाशीच्या अंतरानुसार कोळप्यातदोन फूटापासून चार फूटांपर्यंत अंतर कमी-जास्त करण्याची सोय.

= उच्च दर्जाची क्षमता असल्याने झाडाजवळील सर्व तण निघून जाते.

= एकच माणूस शेत कोळपू शकतो.

= कोळपे बनविण्यासाठी बाजार भावानुसार केवळ तीन हजार रूपये खर्च.

= बाळगण्यास किंवा एका ठिकाणाहून दुसऱ्या ठिकाणी सहजपणे नेता येत

काश्मीर मध्ये इमारतीत लपलेत दहशतवादी, क्रॉस फायरिंग मध्ये एका महिलेचा मृत्यू.


____________________________

जम्मू काश्मीर मधील अनंतनाग येथे दहशतवादी आणि सुरक्षा जवानांमध्ये पहाटे पासून चकमक सुरु आहे. दहशतवादी परिसरातील एका घरात लपून बसले आहेत. दहशतवादी आणि सुरक्षा जवानांमध्ये गोळीबार सुरु आहे. या गोळीबारात एका सामान्य महिलेचा मृत्यू झाला आहे. 'बाटपोरा गावात दहशतवादी एका घरात लपले असल्याची माहिती मिळताच सुरक्षा जवानांनी ऑपरेशन लाँच केल. यावेळी दहशतवाद्यांनी जवानांवर गोळीबार करण्यास सुरुवात केली. क्रॉस फायरिंग सुरु असताना एका महिलेला गोळी लागून ती जखमी झाली. जखमी अवस्थेत तिला रुग्णालयात नेण्यात आलं, मात्र तोपर्यंत तिचा मृत्यू झाला होता', अशी माहिती पोलिसांनी दिली आहे. 'ताहिरा असं या 44 वर्षीय महिलेचं नाव आहे. चकमकी दरम्यान जखमी झाल्यानंतर तिला जिल्हा रुग्णालयात नेण्यात आलं. मात्र तिला वाचवू शकलो नाही', अशी माहिती अधिका-यांनी दिली आहे.
याआधी सुरक्षा जवानांनी दहशतवादी लपल्याची माहिती मिळाल्यानंतर सुरक्षा जवानांनी संपुर्ण परिसरात गराडा घातला होता, आणि सर्च ऑपरेशन सुरु केलं होतं. लपलेल्या दहशतवाद्यांमध्ये लष्कर-ए-तोयबाचा दहशतवादी बशीर लष्करीचंही नाव आहे. काश्मीर मधील पोलीस अधिकारी फिरोज अमहद दार आणि इतर पाच पोलीस कर्मचा-यांच्या हत्येमध्ये त्याचा हात असल्याची शक्यता आहे. सर्च ऑपरेशन दरम्यान दहशतवाद्यांनी गोळीबार करण्यास सुरुवात केल्यानंतर चकमकीला सुरुवात झाली. दहशतवादी सामान्यांचा ढाल म्हणून वापरत आहेत. दहशतवाद्यांचा खात्मा करण्यासोबतच ओलीस ठेवलेल्या सामान्यांना सुखरुप बाहेर काढणं आमचं मुख्य लक्ष्य असल्याचं पोलिसांनी सांगितलं आहे.

कृषीच्या पुरस्कारावर बीडचाही  झेंडा विद्या रुद्राक्ष जिजामाता कृषिभूषण  तर व्यंकटी गीते शेतीनिष्ठ शेतकरी


अनिल घोरड
बीड दि. 30 (प्रतिनिधी) सातत्याने दुष्काळाचा सामना करत असतानाही नव्या नव्या प्रयोगांनी शेतीतून   विकास साधणारी बीडची माती आणि माणसे असल्याचे पुन्हा एकदा समोर आले आहे. राज्य शासनाच्या वतीने दिल्या जाणार्‍या शेती क्षेत्रातील पुरस्कारांवर बीड जिल्ह्यातील दोघांनी आपले नाव कोरले आहे. डिघोळअंबा  ता. अंबाजोगाई येथील विद्या रुद्राक्ष यांना जिजामाता कृषिभूषण तर नंदगौळ ता. परळी येथील व्यंकटी गीते यांना शेतीनिष्ठ शेतकरी पुरस्कार जाहीर झाला आहे. यामुळे कृषी क्षेत्रात बीडचा दबदबा कायम राहिला आहे. 

कृषी क्षेत्रात वैविध्यपूर्ण  राबवत शेती करणार्‍या शेतकर्‍यांना दरवर्षी राज्यशासनामार्फत विविध पुरस्कारांनी गौरविले जाते. विशेष म्हणजे शेती क्षेत्रात सक्रिय असलेल्या  महिलांना जिजामाता यांच्या नावाने पुरस्कार दिला जातो. यंदा हा पुरस्कार डिघोळअंबा  येथील विद्या रुद्राक्ष यांना मिळाला आहे. त्या मागील 25 वर्षांपासून  शेती क्षेत्रात आहेत. तर शेती निष्ठ शेतकरी पुरस्कार नंदगौळ येथील व्यंकटी गीते यांना मिळाला आहे. ते दहा वर्ष पासून शेती करतात. 

कृषी विभागातील अधिकारी,  ,आत्मा विभागातील कर्मचारी  मार्गदर्शन आणि प्रेरणा यातून बीड जिल्ह्यातही शेतीत अनेक प्रयोग राबविले जात असून एक वेगळी ओळख निर्माण होत आहे. 

या पुरस्काराबद्दल दोघांचेही सर्व स्तरातून अभिनंदन होत आहे. 

सेंद्रिय शेती ते प्रक्रिया उद्योग

डिघोळआंबा ता. अंबाजोगाई येथील विद्या बाबुराव रुद्राक्ष या मागील 25 वर्षांपासून स्वतः शेती करतात. 1993 पासून त्यांनी शेतीत लक्ष द्यायला सुरुवात केली. सुरवातिला सेंद्रिय शेतीच्या माध्यमातून वेगवेगळे प्रयोग त्या राबवत गेल्या. त्यातून त्यांनी र्त्यांची 15 एकर शेती आता संपूर्ण सेंद्रिय केली आहे. हे करत असताना आधुनिक तंत्रज्ञान, पीक पद्धती याबाबत जागरूक राहत आत्मा, कृषी विभाग, कृषी विज्ञान केंद्र यांचे मार्गदर्शन घेत शेतीत नवे नवे बदल आपण केले आणि त्यातूनच शेती विकास करू शकते असा  विश्वास आल्याचे त्यांनी प्रजापत्र शी बोलताना सांगितले . मागील काही वर्षांपासून त्यांनी कृषीवर आधारित प्रक्रिया उदययोग सुरु केले आहेत. दाली आणि इतर उत्पादनांच्या माध्यमातून कृषीतून  रोजगारनिर्मितीची संकल्पना त्यांनी साकारली आहे. ’हा पुरस्कार  आपल्यासाठी अनपेक्षित आहे. आपण फक्त शेतीत काम करत राहायचे, याच भावनेतून मी शेती करत आले आहे. मात्र प्रामाणिकपणे काम करत असताना शेती खूप काही शिकवत असते. तेच धडे गिरवत मी काम करत गेले, आज जिजामाता यांच्या नावाने पुरस्कार मिळाला याचा मला आनंद असून हा पुरस्कार प्रेरणा देणारा आहे , यात माझे वडील , पती, दोन मुले, कृषी विभाग, कृषी विज्ञान केंद्र या सर्वांचाच वाटा असल्याचे’  विद्या रुद्राक्ष यांनी म्हटले आहे. 

माळरानात फुलवला मळा,त्याला कुकूटपालनाची जोड 

व्यंकटी गित्ते सध्या कृषी उत्पन्न बाजार समिती परळी वैजनाथ चे संचालक आहेत.यांनी  धर्मापुरी  येथील शंकरराव गुट्टे महाविद्यालयात कला शाखेत पदवी पर्यंतचे शिक्षण घेतले ,सुशिक्षित बेरोजगार राहून गावात फिरण्या पेक्षा 10 वर्षा पुर्वी त्यांनी शेतकरी वडिलाना हातभार लावण्यासाठी सुरुवातीला त्यांनी शेतीचे काम करण्यास सुरुवात केली ,शिक्षणाचा उपयोग शेतीसाठी करण्याचे त्यांनी ठरवले परंतु गावाकडील शेती डोंगराळ भागात असल्यामुळे त्यांना विविध अडचणीना तोंड द्यावे लागले ,शेती डोंगराळ व पाण्याची कमतरता असताना त्यांनी आहे त्याच जमिनीत नवनवीन पिकांचे वेगवेळ्या काळात उत्पादन घेण्यास सुरुवात केली ,दुष्काळावर सुद्धा मात केली ,त्यांच्या शेतीतील प्रयोगामुळे गावतील अनेक तरुण शेती व्यवसायाकडे वळले ,शेती बरोबरच त्यांनी दुग्धव्यवसाय व कुकुटपालन गेल्या 4 वर्षा पासून सुरु केले आहे त्यामुळे एकूणच ते डोंगराळ भाग असून सुद्धा शेतीशी एकनिष्ठ राहून त्यातून उत्पादन घेतात आज ते या भागातील शेतकर्‍या साठी एक प्रेरणादाई शेतकरी म्हणून समोर आले आहेत.

कर्तव्य फाऊंडेशन आज घेणार 200 विद्यार्थी शैक्षणिक दत्तक


आशिष धुमाळ
परतूर

अकरा वर्षा पासुन राबवत आहेत सामाजिक उपक्रम

कर्तव्य फाऊंडेशन तर्फे 2017-2018 या चालु शैक्षणिक वर्षीत एकुण २०० अनाथ, अपंग विद्यार्थी तसेच परिसरातील आत्महत्याग्रस्त शेतकरी तथा विधवा महिला पाल्य व इतर कामगार, शेतमजुर, अल्पभुधारक शेतकरी पाल्यांना शैक्षणीक मदत केली जाणार आहे. निवड झालेल्या विद्यार्थ्यांना शैक्षणीक साहित्य वाटपाचा कार्यक्रम आज शनिवार १ जुलै २०१७ रोजी 'इंदिरा मंगल कार्यालय' (लाल बहादुर शास्ञी कॉलेज शेजारी) परतुर जि. जालना येथे सकाळी. ११:०० ते दुपारी ०४:०० वाजे दरम्यान आयोजित केला आहे.

निवड झालेल्या विद्यार्थ्याला स्वत:हा कार्यक्रमास येऊन त्याचे शैक्षणिक साहित्य/किट घ्यावे लागेल. इतर कुणाच्याही (पालक, नातेवाइक) हातात विद्यार्थ्यांचे साहित्य/किट दिले जाणार नाहीत ह्याची विद्यार्थी/पालकांनी नोंद घ्यावी. तसेच साहित्य घेण्यासाठी येतांना विद्यार्थ्याचे आधार कार्ड, मतदान कार्ड अथवा इतर कुठलाही पुरावा (उदा. वर्ग शिक्षकाचे पत्र) सोबत घेऊन यावे हि विंनती. संस्थे कडून विशेष कुणाला एखादे दस्तावेज/कागदपत्र (उदा. गुणपत्रक, पुरावा) आणण्यास सांगितले असल्यास ते देखील सोबत घेऊन यावे.सदर नियोजीत कार्यक्रमाला परिसरातील सर्व सन्माननीय शेतकरी, लोकप्रतिनिधी, शासकीय अधिकारी, पोलीस अधिकारी, शिक्षक, प्राध्यापक, तहसील/जि.प./पं.स./न.प. कर्मचारी, बँक कर्मचारी, विद्युतसेवा कर्मचारी, बस/रेल्वे कर्मचारी, पत्रकार, उद्योजक तथा व्यापारी, कामगार तथा सर्वसामान्य नागरिकांनी देखील आवर्जुन भेट द्यावी.आपल्या परिसरात सर्वांना परिचीत असलेल्या सामाजीक संस्थेचा (NGO) हा कार्यक्रम आहे. एकदा येउन आम्ही मागच्या ११ वर्षापांसुन निस्वार्थपणे काय काम करतोय ते निदान बघा तर !! अनाथ, निराधार व गोरगरीबांना मदत केल्याचे समाधान काय असते ह्याचा प्रत्यक्ष अनुभव घ्या. ते सर्व बघुन कदाचीत तुम्हालाही आमच्यात सहभागी व्हावे किंवा काही तरी मदत करावीशी असे वाटेल. अशे प्रसिध्दी पञकात म्हटले आहे. या कार्यक्रमाच्या पुर्व तयारी साठी नियोजन समिती मधील:

शाम वाडेकर ,बाळासाहेब धुमाळ,सखाराम मुजमुले, देवीदास कर्‍हाळे,शब्बीर शेख,देव सर,जगदिश चांदर, नितीन मुजमुले, राजेश राऊत, सुनील ,अमोल खरात, संतोष खंडागळे, संपत इरकर, दत्ता सवने, अमोल आकात, गणेश ढाकणे हे अथक परिश्रम घेत आहेत.

बीड जिल्हा कारागृहात श्रीगोंदयातील आरोपीचा उपचारा दरम्यान मृत्यू

झटपट श्रीमंत होण्यासाठी बनावट नोटा चलनात आनणाऱ्या भरत मारुती लबडे (रा. लोणी व्यंकनाथ ता. श्रीगोंदा जि. अहमदनगर) चा बीड जिल्हा  कारागृहात कैदेत होता पण काल दुपारी तब्येत बिघडली म्हणून जिल्हा रुग्णलयात दाखल केले होते...

रात्री उपचारा दरम्यान त्याचा मृत्यू झाला

बनावट नोटा चलनात आणल्या प्रकरणी शहनवाज खान व भरत लबडे बीड पोलिसांच्या ताब्यात असताना भरत लबडेचा मृत्यू झाल्याने खळबळ उडाली.....

मृत्यू चे नेमके कारण आणखी कळले नाही

फळ देईन फुल देईन पानाचे तोरण देईन वृक्ष मला जगवण्या साठी पर्यवरण मंञालया कडे नियोजन काय

काशिनाथ कोकाटे
रिसोड प्रतीनिधी राज्य शासन मार्फत ४०००वृक्ष लागवड मोहीमेतर्गत १ -७ या एका सप्ताहांत वृक्ष रोपण होणार आहे .
एका सामान्य शेतकरी प्रशांत बोडखे मु. पो. नालवाडा अमरावती दर्यापुर  वनमंत्री मा. पर्यावरण  विविध सामाजिक पर्यावरण मंत्रालयात पत्र व्यवहार केला त्याचे उत्तर अद्याप मिळाले  नाही सुत्राकडून मिळालेल्या माहितीवरुन क्लायमेंन्ट रियालिटी प्रोजेक्ट व्दारा अमेरिका पर्यावरण प्रशिक्षण दिल्या जाते प्रभावी पर्यावरण संरक्षण प्रक्रलागवडी  सोबत शासनाचे नियोजन आहे प्रशिक्षणात वातावरण बदलाचे पडसात गांभिर्य वृक्ष च क्षमन अनुकूल अडेटेशन कार्बन उतच्छरजना संबंध्याची माहितीनेत्रृत्व घडन अशा अनेकबाबीवर विशेष तज्ञाव्दारा मार्गदर्शन प्रशिक्षणाची गरज आहे झाडे लावण्यापेक्षा जगवणे महत्वाचे शेवटी तेज न्यूजकडे धाव एक सेतकरी

वसंतराव नाईक म्हणजे शेतकऱ्यांचे नाईक

शिवानंद लांडगे,
गंगाखेड

महाराष्ट्र राज्यात अनेक मुख्यमंत्री होऊन गेले, त्यात शेतकरी बळीराजाला न्याय देणारा आणि काळ्या आईला माय असे संबोधिले असे लाडके माजी मुख्यमंत्री आणि महाराष्ट्रात संकरित बियाणे प्रथम वापराचे धाडस करणारेही नेतृत्व वसंतराव फूलसिंग राठोड होय. यांचा जन्म  1 जुलै 1913 रोजी यवतमाळ जिल्ह्यातील पुसद तालुक्यात गहुली येथे जन्म झाला. नाईकांचे मुळ आडनाव हे राठोड होते. गहुली हे गाव चतुरसिंग राठोड (आजोबा ) यांनी वसवले आहे. यांनी समाजाला पुढे नेण्याची संकल्पना केली. तेव्हा लोकांनी नाईक ही उपाधी दिली. तेव्हा पासून हे आडनावरूढ झाले. पुढे फूलसिंग हा मुलगा नाईक झाला. यांची बायको होनुबाई या दाम्पत्याला पुढे दोन मुले जन्माला आली. राजूसिंग आणि हाजूसिंग छोटे बाबा हे अपत्य होते. हाजूसिंग हे पुढे वसंतराव या नावाने प्रसिद्ध झाले. हाजूसिंग चे प्राथमिक शिक्षण हे खेड्यात झाले. विठोली, अमरावती या ठिकाणी माध्यमिक तर नागपूर च्या माॅरिस या महाविद्यालयातून B.A  degree, LLB ही चाळीस च्या दशकात पूर्ण असे शिक्षण केले. त्यांचे आदर्श व्यक्ती महात्मा फुले, डेल कार्नेगी हे होते, त्यांच्या विचारांचा प्रभाव होता. पुसद येथे त्यांनी वकिलीचा श्रीगणेशा केला. हळूहळू त्यांनी यात हातगंडा व आर्थिक बाजू भक्कम करत यशाची शिखरे सर करू लागले. समाजात प्रतिष्ठा मिळ असे.1943-1947 या कार्यकाळात पुसद कृषीमंडळाचे अध्यक्ष म्हणून निवडून आले. 1941 ला कु. वत्सला घाटे यांच्या सोबत त्यांनी अंतरजातीय विवाह केला. 1946 पुसदचे  नगराध्यक्ष तर बावन्न ला मध्य पहिली लोकसभा जिंकून ते प्रदेश राज्याचे उपमंत्री झाले. 1956 ला काँग्रेस मध्ये प्रवेश केला. साठ ला राज्याचे पहिले महसुल मंत्री म्हणून शपथ घेतली. 5 डिसेंबर  1963 ला त्यांचे नाव सुवर्ण अक्षराने लिहिले जावे असा शुभ प्रसंग योग या दिवशी घडला तो महाराष्ट्र राज्याचे मुख्यमंत्री पदी विराजमान  झाले. तीन मे 1965 हि तारीख महाराष्ट्र राज्यातील जनता जन्मोजन्मी विसरणे शक्य नाही, या दिवशीच पुण्यातील शनिवाड्या समोरील सभेत ते असे सिंह गर्जना करत बोलले की, दोन वर्षात महाराष्ट्र अन्नधान्यात स्वयंपूर्ण झाला नाही तर मला फाशी द्या असे शड्डू ठोकले. तेव्हा महाराष्ट्रासह भारतात परकिय आक्रमणामुळे शेती कडे कानाडोळा करण्यात यश आले नाही. त्यामुळे अन्नधान्याचा मोठा डोंगर दत्त म्हणून उभा राहिला, बाहेर देशातून आयात केलेला गव्हू हा डुक्कर खाणार नाही, असा मिळाला म्हणून महाराष्ट्र स्वावलंबी झाला की, देश मजबूत बनेल. या साठी अशी सिंह गर्जना केली. भारतीय बियाणे उद्योगाचे जनक डाॅ.बद्रीनारायण बारवाले यांच्या कारखान्यात तयार झालेल्या बियाणांचा प्रात्यक्षिक प्रत्यक्ष स्वतःच्या शेतात संकरित बियाणे पेरून " हरितक्रांती " महाराष्ट्राची मशाल पेटवली ती आज ही प्रज्वलित आहे. ते नेहमी सांगत शेतकर्‍यांना उपदेश करत की, पाणी आडवा जमीन पिकवा पाणी नाही आडवता आले तर घाम गाळून जमिन पिकवा. शेत टिकला नाही तर देश कसा टिकेल.
आज मुख्यमंत्री निवास स्थान जे वर्षा(रेन्स) आहे ते पूर्वी dug began या ना ओळखले जात होते, त्याच्या नामांतराचे श्रेय यांनाच जाते. त्यांनी पक्षिय राजकारण उभ्या आयुष्यात केले नाही. राष्ट्रीय स्वयंसेवक संघाचे प्रमुख श्री. गोळवलकर गुरूजी यांच्या अखेर च्या क्षणापर्यंत त्यांना तब्येतीची काळजी विचारणारा असा मुख्यमंत्री होता. 49 च्या मराठी साहित्य संमेलनात उद्घाटनानंतर हा घडलेला किस्सा आहे, नेते पदाधिकारी यांना येऊन भेटत होते, तेव्हा पोलीस सुरक्षा लांब अंतरावर होती, गर्दीतून एक मात्र गाठोडे डोक्यावर घेऊन तडक वसंतरावांना म्हणालात, " मला विडी पेटवण्यासाठी माचिस देता का?  तेव्हा त्यांनी लाईटर ने त्या ग्रहस्थाची विडी पेटवली. त्यावर एका पत्रकाराने त्या ग्रहस्थाला सांगितले की तुमची विडी पेटवून देणारे महाराष्ट्र राज्याच्या मुख्यमंत्री होते. त्यावर तो माणूस बोलला, बापरे आपल्या फूलसिंगाचा लेक आहे होय. असा हा मनमिळाऊ मुख्यमंत्री सर्वसामान्य नागरिकांना जवळ करणारा होता. अकरा वर्ष 2 महिने 14 इतका सर्वाधिक कार्यकाल महाराष्ट्र राज्यात राजकीय मैदानात नव्हे तर मुख्यमंत्रीपद गाजवणारे खरे व्यक्तीमत्व होय. वीस फेब्रुवारी 1974 ला राजीनामा दिला.

महत्त्वाची निर्णय -
पंचायत राज अंमलबजावणी, विधानसभा व विधान परिषदेच्या विरोधी पक्षनेते यांना कॅबिनेट मंत्री पदाचा दर्जा, चार कृषी विद्यापीठांची स्थापना, जिल्हा नियोजन मंडळाची निर्मिती, जिल्हा परिषदेला प्रशासकीय अधिकारी असावा.
या अशा महान व्यक्तीमत्वाने 18 ऑगस्ट 1979  रोजी सिंगापूर दौऱ्यावर ह्रदय विकाराने काळ्या आईला प्रिय झाला.

लेखक हे पत्रकारितेचे mcj   विद्यार्थी आहेत.
मो. 9665954005