मा.आ.बाबाजानी दुर्रानी साहेबांची विधानपरिषदेवर राकाँ कोट्यातून बिनविरोध निवड झाल्या बद्दल हार्दिक अभिनंदन आणि वाढदिवसा निमित्त तेजन्यूज हेडलाईन्स कडून हार्दिक शुभेच्छा...!

Sunday, 11 March 2018

गेवराईच्या गोदावरी मल्टिस्टेटला नॅशनल अॅवार्ड पुरस्कार प्रदान

सुभाष मुळे....
----------------------
गेवराई, दि. 12 __ पुणे येथील फेडरेशन ऑफ मल्टिस्टेट को. ऑप. क्रेडिट सोसायटीच्या वतीने बॅंकींग क्षेत्रात उत्कृष्ट कार्य करणाऱ्या गेवराई येथील गोदावरी मल्टिस्टेट को. ऑप. या बॅंकेस नॅशनल अॅवार्ड हा पुरस्कार सन्मानपुर्वक
प्रदान करण्यात आला आहे.
           बीड येथील हाॅटेल साई पॅलेस हाॅटेलच्या भव्य हाॅल मध्ये राज्य स्तरिय सहकार परिषदेचे आयोजन करण्यात आले होते. आयोजित करण्यात आलेल्या या परिषदेच्या अध्यक्षस्थानी केंद्रिय निबंधक डॉ. सय्यद हसन अब्बास हे होते. या समारंभास प्रमुख अतिथी म्हणून पतसंस्था फेडरेशनचे अध्यक्ष काकासाहेब कोयटे, मल्टिस्टेट फेडरेशनचे अध्यक्ष सुरेशराव वाबळे, सहकार न्यायालयाचे निवृत्त न्यायमुर्ती एम. आर. मकरे, फेडरेशनच्या मुख्‍य अधिकारी सुरेखा लवांडे, चार्टर्ड अकौंटट सचिन शिंदे, आदी उपस्थित होते. दोन सत्रात झालेल्या या सहकार परिषदेत बॅंकींग व सहकार विषयी यथोचित मार्गदर्शन झाले. सन. 2017 मध्ये भारतातील उत्कृष्ट बॅंकींग कार्य करणाऱ्या सहा मल्टिस्टेट सोसायटीची या पुरस्कारासाठी निवड करण्यात आली आहे. यामध्ये बीड जिल्ह्य़ातून गेवराईच्या गोदावरी मल्टिस्टेट या एकमेव संस्थेस नॅशनल अॅवार्ड 2017 देऊन मान्यवरांच्या हस्ते गौरविण्यात आले आहे. याप्रसंगी बुलढाणा अर्बन बँकेचे डॉ. सुखेज झंवर, कडुभाऊ काळे, संतोष भंडारी, कपाळे आप्पा, जयसिंह पंडित, जयप्रकाश निंबाळकर, राहुल महाडिक, साईनाथ परजणे, चंद्रकांत शेजुळ, संजय तळतकर, रवी कानडे, अजिनाथ शिंदे यांच्यासह महाराष्ट्र? कर्नाटक राज्यातील सर्व मल्टिस्टेट पतसंस्थेचे चेअरमन, प्रशासकीय अधिकारी, संचालक व कर्मचारी उपस्थित होते.
           गोदावरी मल्टिस्टेटला यापूर्वी अहमदनगर येथील विधानसभा सभापती हरिभाऊ बागडे यांच्या हस्ते अर्थरत्न तसेच औरंगाबाद येथे कमल किशोर कदम यांच्या हस्ते मराठवाडा भुमिपुत्र पुरस्कार देऊन सन्मानित करण्यात आले होते. प्रभाकरराव पराड , मधुकर वैष्णव, प्रवीण पंडित, गणेश शहाणे, व्यवस्थापक रामनारायण मोटे, प्रल्हाद वाघ आदींनी हा पुरस्कार स्वीकारला. या प्राप्त पुरस्काराबद्दल पत्रकार संघाचे सुभाष मुळे, मधुकरराव तौर, गणेश क्षीरसागर, दिनकर शिंदे तसेच राजकीय, सामाजिक, सांस्कृतिक, धार्मिक आदी क्षेत्रातील मान्यवरांनी शुभेच्छा दिल्या आहेत. झालेल्या या समारंभाचे सुत्रसंचलन माधव चाटे यांनी केले तर सर्व उपस्थितांचे आभार जयसिंह पंडित यांनी मानले.

╭════════════╮
   ▌ प्रतिनिधी 'सुभाष मुळे' गेवराई, बीड
--------------------------------
'तेजन्यूज हेडलाईन्स' आॅनलाईन वेबवाहीनी
मो.नं./व्हाॅट्स अॅप : 94 2224 3787  ▌
                          ╰════════════╯

No comments:

Post a Comment