मा.आ.बाबाजानी दुर्रानी साहेबांची विधानपरिषदेवर राकाँ कोट्यातून बिनविरोध निवड झाल्या बद्दल हार्दिक अभिनंदन आणि वाढदिवसा निमित्त तेजन्यूज हेडलाईन्स कडून हार्दिक शुभेच्छा...!

Monday, 14 May 2018

नृसिंहवाडीच्या दिव्यांग साहित्य संमेलनात राजेंद्र लाड यांच्या "श्रमदान" कवितेस प्रचंड प्रतिसाद


   मुंबई:-प्रतिष्ठा फौंडेशन,महाराष्ट्र मु.पो. चिंचणी,ता.तासगाव,जि.सांगली आयोजित पहिले दिव्यांग साहित्य संमेलन 2018 श्रीक्षेत्र नृसिंहवाडी,ता.शिरोळ,जि.कोल्हापूर येथील प.पू.समर्थ सद्गुरु श्री महादबा पाटील महाराज ( धुळगावकर ) ट्रस्ट येथे दिनांक 13 मे 2018 रोजी सकाळी 10 ते सायंकाळी 4 या वेळेत मोठ्या थाटात व उत्साहात संपन्न झाले.
     पहिल्या सत्रातील उद्घाटनाच्या कार्यक्रमात विशेष बाब म्हणून दिव्यांग कर्मचारी संघटनेचे बीड जिल्हा सचिव तथा कवी राजेंद्र लाड यांना संधी
देण्यात येवून त्यांनी शिघ्र तयार केलेली " माझी माणसं " ही कविता सादर केली.या कवितेस उपस्थित शिरोळ तालुक्यातील रसिक प्रेमींनी व राज्यभरातून आलेल्या दिव्यांग बांधवांनी भरभरून दाद दिली.तसेच यावेळी प्रमुख मान्यवरांच्या शुभहस्ते श्रीक्षेत्र पुरस्कार 2018 चे वितरण करण्यात आले.
     दुसऱ्या सत्रात कथाकार रमेश जावीर यांनी आपली कथा सादर करुन सर्वांना मंत्रमुग्ध केले. तिसऱ्या सत्रात कविसंमेलन विजय आव्हाड साहित्यिक मुंबई यांच्या अध्यक्षतेखाली घेण्यात येवून निमंत्रीत कवी म्हणून राज्यामधून राजेंद्र लाड यांना निमंत्रीत करण्यात आले होते. यावेळी राजेंद्र लाड यांनी    " श्रमदान " ही कविता सादर केली.कामात काम श्रेष्ठ काम,माणुसकी त्याचे नाम,पाण्यासाठी करु श्रमदान,पाण्यासाठी आजपण,उद्यापण,करु श्रमदान सर्वजण... या ओळीने सुरुवात होणाऱ्या कवितेस उपस्थित राज्यभरातून आलेल्या कविंनी,प्रमुख मान्यवरांनी व राज्यभरातून आलेल्या दिव्यांग बांधवांनी विशेष दखल घेत प्रचंड प्रतिसाद देवून भविष्यकाळातील पाण्याचे महत्त्व लक्षात घेवून कौतुकाची थाप तर दिलीच पण विशेष सन्मानही केला.यावेळी राज्यभरातून आलेल्या अंध व अपंग कवींनी आपल्या कविता सादर करुन कवीसंमेलनास रंगत आणली.
      यावेळी दिव्यांग साहित्य संमेलनास संमेलनाध्यक्ष जेष्ठ अंध साहित्यिक चंद्रकांत देशमुखे,प्रमुख पाहुणे आँल इंडिया सुतगिरणी फेडरेशनचे चेअरमन राजेंद्र पाटील यड्रावकर,श्री चिमाजीसाहेब जगदाळे फौंडेशनचे चेअरमन धनाजीराव जगदाळे,स्वागताध्यक्षा तथा जयसिंगपूर च्या नगराध्यक्षा डाँ.सौ.निता माने,श्रीक्षेत्र पुरस्कार विजेते प्रा.महेश थोरवे पाटील,प्राचार्य डाँ.सुनिल चव्हाण,शिवाजी लाला पुजारी,अमित खतरी,शितल पाटील धडेल,राजश्री साकळे,सरिता भवरे,दत्ता होगले,डाँ.उमेश दत्त कळेकर तसेच दिव्यांगांच्या अनेक बहुउद्देशिय संस्थाचे अध्यक्ष उपस्थित होते.
   पहिले दिव्यांग साहित्य संमेलन 2018 यशस्वी करण्यासाठी निमंत्रक तथा संस्थापक अध्यक्ष प्रतिष्ठा फौंडेशन तानाजीराजे जाधव,द पाँवर आँफ मिडीया चे संस्थापक सदस्य ईश्वर हुलवान,प्रा.उदय माने,प्रा.तानाजी ठोंबरे,अभय वाळकुंजे यांनी कठोर परिश्रम घेतले.संमेलनाचे बहारदार सुत्रसंचलन राजेंद्र लाड यांनी केले तर आभार तानाजीराजे जाधव यांनी मानले. या दिव्यांग साहित्य संमेलनास राज्यभरातून शेकडो दिव्यांग बांधवांनी मोठ्या प्रमाणात हजेरी लावली होती.

No comments:

Post a Comment