मा.आ.बाबाजानी दुर्रानी साहेबांची विधानपरिषदेवर राकाँ कोट्यातून बिनविरोध निवड झाल्या बद्दल हार्दिक अभिनंदन आणि वाढदिवसा निमित्त तेजन्यूज हेडलाईन्स कडून हार्दिक शुभेच्छा...!

Monday, 11 June 2018

लातूर-उस्मानाबाद--बीडमधून भाजपचे धस विजयी

प्रतिनिधी
बीड:-अत्यंत लक्षवेधी ठरलेल्या लातूर-उस्मानाबाद-बीड विधानपरिषदेच्या निवडणुकीत राष्ट्रवादी काँग्रेसला जोरदार झटका बसला आहे. पुरेसे संख्याबळ असूनही या निवडणुकीत राष्ट्रवादी पुरस्कृत उमेदवार अशोक जगदाळे यांचा पराभव झाला असून भाजपचे उमेदवार माजी मंत्री सुरेश धस विजयी झाले आहेत. या निवडणुकीच्या निमित्ताने राष्ट्रवादी काँग्रेसचे विधानपरिषदेतील विरोधी पक्षनेते धनंजय मुंडे आणि महिला व बालकल्याण मंत्री पंकजा मुंडे यांची प्रतिष्ठा पणाला लागली होती. या प्रतिष्ठेच्या लढाईत पंकजा यांनी धनंजय मुंडे यांना मात दिली असून या विजयामुळे पंकजा यांचं भाजपमधील महत्त्व वाढणार असल्याचं बोललं जात आहे.

न्यायालयाच्या निर्णयानंतर आज सकाळी मतमोजणीला सुरुवात झाली. यावेळी धस यांनी सुरुवातीपासूनच आघाडी घेतल्याने अशोक जगदाळे पराभूत होणार असल्याची चिन्हे दिसत होती. अपेक्षेप्रमाणे झालेही तसेच. धस यांनी ८० मतांचं मताधिक्य मिळवत जगदाळे यांचा पराभव केला. विशेष म्हणजे या निवडणुकीत राष्ट्रवादी काँग्रेस आणि काँग्रेसची मिळून एकूण मते ५२७ होती. भाजपपेक्षा दोन्ही काँग्रेसकडे १३ मते जास्त असतानाही धस यांनी राष्ट्रवादीच्या उमदेवाराला पराभूत केल्याने आश्चर्य व्यक्त केलं जात आहे. दरम्यान, तब्बल १८ दिवसानंतर ही मतमोजणी झाली. यावेळी सांकेतिक आकडे लिहिलेले असल्याने २५ मते बाद ठरवण्यात आले. त्यामुळे काही वेळ मतमोजणी थांबली होती. निवडणूक निर्णय अधिकारी व उस्मानाबादचे जिल्हाधिकारी राधाकृष्ण गमे यांनी मध्यस्थी केल्यावर सुरेश धस आणि अशोक जगदाळे यांच्यातील वाद मिटला. जगदाळे यांनी फेरमतमोजणीची मागणी केली आहे.

ही निवडणूक सर्वात चुरशीची मानली जात होती. ग्रामविकास मंत्री पंकजा मुंडे आणि विधानपरिषेदेचे विरोधी पक्ष नेते धनंजय मुंडे यांनी ही निवडणूक आपल्या प्रतिष्ठेची केली होती. या मतदारसंघात भाजपचे सुरेश धस आणि राष्ट्रवादीने पाठिंबा दिलेले अपक्ष उमेदवार अशोक जगदाळे यांच्यात लढत झाली. राष्ट्रवादीने रमेश कराड यांना उमेदवारी दिली होती. मात्र त्यांनी ऐनवेळी अर्ज मागे घेतल्याने, राष्ट्रवादीची आणि पर्यायाने धनंजय मुंडेंची चांगलीच पंचाईत झाली होती. त्यामुळे ऐनवेळी बंडखोरी करत अपक्ष उमेदवारी अर्ज दाखल करणाऱ्या अशोक जगदाळे यांना राष्ट्रवादीला पाठिंबा द्यावा लागला होता. 'हा मतदारसंघ तीनवेळा काँग्रेसकडे होता. त्यावेळी आमचे फारसे संख्याबळही नव्हते. सध्या तिन्ही जिल्ह्यांत आमचे संख्याबळ वाढले आहे. त्यामुळे आत्मविश्वासाने या निवडणुकीत उतरलो. अत्यंत ताकदीने निवडणूक लढलो. संख्याबळ आमचे नव्हते तरी ही आम्ही विजय मिळविला आहे. दोन्ही काँग्रेसची आघाडी झाली तरी आम्हाला चिंतेचे कारण नव्हते,' असे पंकजा मुंडे म्हणाल्या.....

No comments:

Post a Comment