तेजन्यूजहेडलाईन्सचा दुसरा वर्धापण दिना निमित्त सर्व वाचकांना हार्दिक शुभेच्छा!

Saturday, 30 June 2018

विजय मल्ल्याला हजर होण्याचे आदेश .


मनी लाँन्ड्रिंग विशेष प्रतिबंध (पीएमएलए) न्यायालयाने फरार आर्थिक गुन्हेगार व उद्योगपती विजय मल्ल्याला २७ ऑगस्टला न्यायालयात उपस्थित राहण्यास समन्स बजावले आहे. अंमलबजावणी संचनालयाने मल्ल्याला फरार आर्थिक गुन्हेगार घोषित केल्यानंतर हे समन्स त्याला बजावण्यात आले आहे. 'पीएमएलए' प्रकरणातील विशेष न्यायाधीश एम. एस. अझमी यांनी मल्ल्याला नोटीस धाडली आहे. यापूर्वी अंमलबजावणी संचनालयाने त्याच्या विरोधात दोन आरोपपत्र दाखले केली आहेत. त्यानंतर २२ जूनला न्यायालयात त्याला फरार आर्थिक गुन्हेगार जाहीर करण्याची मागणी केली होती.'पीएमएलए' कायद्यांतर्गत १२ हजार ५०० कोटींची संपत्ती जप्त करण्यासाठी अंमलबजावणी संचनालयाने मुंबई येथील विशेष न्यायालयात धाव घेतली होती. 'पीएमएलए'  कायद्याने अंमलबजावणी संचनालयाला आर्थिक गुन्हेगारांची संपत्ती जप्त करण्याचा अधिकार आहे. यावेळी मल्ल्या उपस्थित राहिला नाही , तर त्याच्या नावे असलेली संपत्ती जप्त होण्याची शक्यता आहे.

No comments:

Post a Comment