तेजन्यूजहेडलाईन्सचा तिसऱ्या वर्धापण दिन व दिवाळी निमित्त सर्व वाचकांना हार्दिक शुभेच्छा!

Wednesday, 30 January 2019

प्रा. पि. टी. चव्हाण यांना मुप्टाचा आदर्श शिक्षक पुरस्कार प्रदान



सुभाष मुळे..
----------------
गेवराई, दि. ३० __ फुले-शाहु- आंबेडकर चळवळीतील सक्रिय कार्यकर्ते तथा राष्ट्रीय बंजारा परिषदेचे राष्ट्रीय महासचिव, माजी जि. प. सदस्य  आणि गढी येथील  जयभवानी कनिष्ठ महाविद्यालयाचे प्रा. पी. टी. चव्हाण यांना बीड येथील मूप्टा संघटनेच्या वतीने क्रांतीबा ज्योतीबा राज्यस्तरीय आदर्श शिक्षक पुरस्कार वितरित करण्यात आला असून त्यांचे सर्व स्तरातून अभिनंदन होत आहे. 
        बीड येथील मूप्टा संघटनेच्या वतीने क्रांतीबा ज्योतीबा राज्यस्तरीय आदर्श शिक्षक पुरस्कार  प्रा. पि. टी. चव्हाण यांना घोषित करण्यात आला आहे. संघटनेचे प्रा. प्रदिप रोडे यांच्या अध्यक्षतेखाली बीड येथे झालेल्या बैठकीत हा निर्णय घेण्यात आला होता. मागील अनेक वर्षापासून डॉ. बाबासाहेब आंबेडकर, छत्रपती शिवाजी महाराज, शाहू महाराज, महात्मा ज्योतिबा फुले, अण्णाभाऊ साठे, पुण्यश्लोक अहिल्याबाई होळकर, संत भगवानबाबा, संत सेवालाल महाराज, संत सावता महाराज, मौलाना अबूल कलाम आझाद, संत नरहरी सोनार, संत सेना महाराज या बहुजन समाजातील महापुरुषांच्या विचाराचा जागर तांडा, वस्ती, वाडी, पालापर्यंत घेऊन जाणारे आणि समाजातील वंचित, शोषित बांधवांच्या न्याय हक्कासाठी सातत्याने प्रयत्न करणारे, प्रसंगी रस्त्यावर उतरून तिव्र आंदोलन करणारे भटक्या विमुक्तांचा बुलंद आवाज असणारे प्रा. पि. टी. चव्हाण यांच्या कार्याची दखल घेऊन मुप्टा संघटनेने या पुरस्काराची घोषणा केली. सदरील पुरस्कार वितरण सोहळा बीड शहरातील यशवंतराव चव्हाण नाट्यगृह येथे दि. २७ जानेवारी २०१९ रोजी साहित्य, शैक्षणिक व फुले शाहू आंबेडकर चळवळीतील मान्यवरांच्या उपस्थितीत आयोजित करण्यात आला होता.
      क्रांतीबा ज्योतीबा राज्य स्तरीय आदर्श शिक्षक पुरस्कार  प्रा. पि. टी. चव्हाण यांना मिळाल्याबद्दल राष्ट्रीय बंजारा परिषदेचे राष्ट्रीय अध्यक्ष उद्योगपती किसनभाऊ राठोड, माजी मंत्री मा. शिवाजीराव दादा पंडित, प्राचार्य डॉ. एस. डी. पटेल, राष्टीय प्रवक्ता मा. मधुकर जाठोत, तरूणाच्या गळ्यातील ताईत व यशस्वी युवा उद्योजक अॅड. पंडितभाऊ राठोड, महंत रमेश महाराज, सुनील महाराज, जितेंद्र महाराज, राष्ट्रीय सचिव इंजि.सुभाष राठोड, प्रवक्ता डाॅ.कृष्णा राठोड, राष्ट्रीय संघटक विलासभाऊ राठोड, गोर प्रकाश राठोड, प्रा.खुशाल राठोड, शालिकभाऊ पवार, प्रदेश कार्याध्यक्ष रविकांत राठोड, उपाध्यक्ष जीवनभाऊ राठोड, बीड जिल्हा अध्यक्ष रमेशभाऊ पवार, प्रा.डाॅ.साहेब राठोड, जेष्ठ विचारवंत डाॅ.अशोक पवार ,पत्रकार सुधीरभाऊ राठोड (मुंबई), विलास पवार सहाय्यक पोलीस उपनिरीक्षक, मा. प्रल्हाद चव्हाण, रविराज राठोड, यशपालभाऊ जाधव, शामभाऊ राठोड, भारतीय बंजारा समाज कर्मचारी संघटनेचे जिल्हाध्यक्ष बी.जे.राठोड, वसंत राठोड, पी.एम.राठोड, कार्याध्यक्ष अंकुश चव्हाण, बबन राठोड, सर्जेराव जाधव, अण्णासाहेब राठोड, कृष्णा राठोड, गणेश चव्हाण, विनायक चव्हाण व ईतरांनी प्रा.पी.टी.चव्हाण यांना राज्य स्तरीय क्रांतीबा जोतीबा आदर्श शिक्षक पुरस्कार मिळाल्याबद्दल अभिनंदन केले आहे.

।।।
╭════════════╮
   ▌ प्रतिनिधी 'सुभाष मुळे' गेवराई, बीड
--------------------------------
 'तेजन्यूज हेडलाईन्स' आॅनलाईन वेबवाहीनी
मो.नं./व्हाॅट्स अॅप : 94 2224 3787  ▌
                   ╰════════════╯

No comments:

Post a comment