तेजन्यूजहेडलाईन्सचा तिसऱ्या वर्धापण दिन व दिवाळी निमित्त सर्व वाचकांना हार्दिक शुभेच्छा!

Wednesday, 30 January 2019

घाटकोपर पश्चिम राष्ट्रवादी कॉंग्रेस पार्टी तर्फे राष्ट्रपिता महात्मा गांधी यांना वाहण्यात आली श्रद्धांजली



बाळू राऊत मुंबई जिल्हा प्रतिनिधी 
मुंबई :दि.३०अहिंसा आणि शांतीचा संदेश देणाऱ्या राष्ट्रपिता महात्मा  गांधींच्या 71व्या  पुण्यतिथी निमित्त घाटकोपर पश्चिम राष्ट्रवादी कॉंग्रेस पार्टी तर्फे राष्ट्रपिता महात्मा गांधी यांना राष्ट्रवादी काँगेस पार्टी कार्यालय , चिरागनगर, घाटकोपर पश्चिम, येथे सकाळी ११ वाजून ०२ मिनिटांनी यांच्या प्रतिमेस पुष्पहार अर्पण करून श्रद्धांजली वाहण्यात आली 
गांधींनी आयुष्यभर सत्य आणि अहिंसा या तत्त्वांचा पुरस्कार केला, स्वतःही याच तत्त्वांनुसार जगले आणि इतरांनीही तसे करावे असे सुचवले. स्वतः कातलेल्या सुताचे धोतर आणि शाल अशी त्यांची साधी राहणी होती. त्यांनी शाकाहाराचा अवलंब केला आणि अनेकदा आत्मशुद्धीसाठी आणि राजकीय चळवळीसाठी साधन म्हणून दीर्घ उपवास केले.३० जानेवारी १९४८ ला, दिल्लीच्या बिर्ला भवनच्या  बागेतून लोकांबरोबर फिरत असतांना गांधीजींची गोळी मारून हत्या करण्यात आली.
या कार्यक्रमाला घाटकोपर पश्चिम तालुक्यातील नेते मुंबई अध्यक्ष सोहेल सुभेदार ,राष्ट्रीय सचिव सालिंम पठाण, तालुका अध्यक्ष सुरेश भालेराव ,वसिंम  खान , बलराज तालापली , हुसेन शेख ,रौफ मोगे ,वार्ड अध्यक्ष आसिफ शेख, शंकर महाडिक, राजेंद्र केदारे, संतोष पोळ, सचिन गुप्ता, तालुका उपाध्यक्ष सुनील चव्हाण, विरेंद्र सहानी, राजेंद्र शिनलकर, वाशीम शेख, सय्यद कादर,रमझान खान, भीमन्ना मेटी  , व इतर पदाधिकारी उपस्थित होते.

No comments:

Post a comment