तेजन्यूजहेडलाईन्सचा तिसऱ्या वर्धापण दिन व दिवाळी निमित्त सर्व वाचकांना हार्दिक शुभेच्छा!

Thursday, 30 May 2019

जेष्ठ शिवसेना नेते लिलाधर डाके यांची मिझोरामच्या राज्यपालपदी होणार नियुक्ती


बाळू राऊत मुंबई प्रतिनिधी 
मुंबई :-एनडीए सरकारने लोकसभा निवडणुकीत ऐतिहासिक विजय मिळवला. या पार्श्वभूमीवर देशात पुन्हा एकदा मोदी सरकार येणार आहे. राष्ट्रपती भवनात आज (३० मे) संध्याकाळी ७ वाजता आपल्या नव्या मंत्रिमंडळासह नरेंद्र मोदी यांनी दुसऱ्यांदा पंतप्रधानपदाची शपथ घेतली . दरम्यान, मोदींच्या या मंत्रिमंडळात कोणाकोणाचा समावेश असेल याची उत्सुकता सर्वांनाच लागून राहिली होती . या पार्श्वभूमीवर, शिवसेनेकडून आज दक्षिण मुंबईचे खासदार अरविंद सावंत यांनी केंद्रीय मंत्रिपदाची शपथ घेतली 
लोकसभा निवडणुकीत विरोधी पक्षाला तोंडघशी पाडत बहुमताने केंद्रात सत्ता स्थापन करत असलेल्या नरेंद्र मोदींच्या मंत्रिमंडळाची चर्चा सध्या जोरदार सुरू आहे. अशातच शिवसेनेला मंत्रिपदासोबतच राज्यपालपदही दिले जाणार असल्याची माहिती सूत्रांकडून प्राप्त झाली आहे. मिझोरमच्या राज्यपालपदी शिवसेनेचे ज्येष्ठ नेते लीलाधर डाके यांच्या नावावर शिवसेना पक्षप्रमुख उद्धव ठाकरे यांनी शिक्कामोर्तब केल्याची माहिती  आहे.

No comments:

Post a comment