तेजन्यूजहेडलाईन्सचा दुसरा वर्धापण दिना निमित्त सर्व वाचकांना हार्दिक शुभेच्छा!

Thursday, 30 May 2019

श्री क्षेत्र पंढरपूर येथे भव्य अखंड हरिनाम सप्ताह ज्ञानेश्वरी पारायण


व श्रीमद् भागवत कथा ज्ञानयज्ञ सोहळयाचे आयोजन
भाविक भक्तांनी सप्ताहाचा लाभ घ्यावा- युवा किर्तनकार जगदीश महाराज सोनवणे
परळी वैजनाथ, (प्रतिनिधी) ः- पंचक्रोशीतील सर्व भाविकांना कळविण्यात आनंद होतो की जोग महाराज वारकरी शिक्षण आळंदी देवाची या संस्थेचे संस्थापक वै. सद्गुरु जोग महाराज यांच्या पुण्यतिथी शताब्दी महोत्सव निमित्ताने आरंभ दिनांक - 30/5/2019 पासून ते सांगता 5/6/2019 पर्यंत श्री क्षेत्र पंढरपूर येथे  श्री विठ्ठल रुक्मिणी मंदीर सभामंडप मध्ये अखंड हरिनाम सप्ताहचे भव्य दिव्य आयोजन केलेले आहे
सप्ताहतील कार्यक्रमाची रूपरेषा - सकाळी 7 ते 11 ग्रंथराज ज्ञानेश्वरी पारायण दुपारी 1 ते 4 श्रीमद् भागवत कथा, कथाप्रवक्ते कार्यक्रमाचे आयोजक - ह.भ.प.विजयानंद महाराज आघाव दौनापूरकर आणि राञी 7 ते 9 यावेळे मध्ये हरिकीर्तन यामध्ये महाराष्ट्रातील नामवंत किर्तनकारांची दररोज किर्तनसेवा खालील प्रमाणे ह.भ.प.श्री. महादेव महाराज चाकरवाडीकर, ह.भ.प.जगदीश महाराज सोनवणे, ह.भ.प. कृष्णा महाराज चौरे पंढरपूरकर, ह.भ.प.महंत राधाताई महाराज सानप,ह.भ.प. प्रभाकर महाराज झोलकर, ह.भ.प. तुकाराम महाराज मुंडे शास्त्री, ह.भ.प अर्जुन महाराज लाड गुरूजी, आणि काल्याचे किर्तन ह.भ.प.परम पुज्य गुरूवर्य ज्ञानोबा माऊली लटपटे महाराज अशा पद्धतीने सप्ताहाचे भव्य दिव्य स्वरूपात नियोजन केलेले आहे.
तसेच कार्यक्रमास उपस्थित मान्यवर मंडळीं मा.श्री.किरणकुमार गित्ते साहेब (सचिव नगरविकास व उद्योग विकास ञिपूरा) मा.श्री.महादेवजी तांबडे साहेब (पोलिस आयुक्त सोलापूर ),श्री.ढोले साहेब(कार्यकारी अधिकारी विठ्ठल रुक्मिणी मंदीर पंढरपूर),मा.श्री.दिनकरराव मुंडे गुरूजी, तरी पंचक्रोशीतील भाविक भक्त,श्रोते मंडळी, गुणवान,भजनी मंडळी, महाराज मंडळी आपणा सर्वांनी बहुसंख्येने पंढरपूर येथे उपस्थित राहून या ब्रम्हानंदाचा आवश्य लाभ घ्यावा हि निमंत्रण पुर्वक विनंती. तसेच कार्यक्रमास येणार्‍या सर्व भाविकांसाठी सर्वप्रकारची व्यवस्था निवासस्थान - श्री संत सखाराम महाराज संस्थान चंद्रभागा घाट प्रदक्षिणा मार्ग पंढरपूर याठिकाणी करण्यात आलेली आहे. तरी सर्वांनी सहकुटुंब या कार्यक्रमास उपस्थित राहावे असे आवाहन युवाकिर्तनकार जगदीश महाराज सोनवणे टोकवाडी व त्यांच्या सहकार्‍यांनी केले आहे.

No comments:

Post a Comment