तेजन्यूजहेडलाईन्सचा तिसऱ्या वर्धापण दिन व दिवाळी निमित्त सर्व वाचकांना हार्दिक शुभेच्छा!

Saturday, 30 November 2019

नागरिकांना माहिती देण्यासाठी जिल्हाधिकारी कार्यालयात डिजिटल डिस्प्ले सिस्टीमचा शुभारंभ



जिल्हाधिकारी आस्तिक कुमार पांडेय यांनी केली पाहाणी
विविध योजना आणि शासनाच्या निर्णयांची मिळेल माहिती

बीड (प्रतिनिधी) :-  जिल्हाधिकारी आस्तिक कुमार पांडेय यांच्या संकल्पनेतून जिल्हाधिकारी कार्यालयाच्या आवारात डिजिटल डिस्प्ले सिस्टीमची उभारणी करण्यात आली आहे याद्वारे जिल्हाधिकारी कार्यालयात विविध कामांसाठी येणाऱ्या जनतेला शासनाच्या योजनांची तसेच शासनाच्या विविध विषयांची माहिती मिळू शकणार आहे . जिल्हाधिकारी कार्यालयाच्या इमारती बाहेर हा भव्य स्वरूपातील डिजिटल बोर्ड उभा करण्यात आला असून त्यावर संगणकीय प्रक्रियेद्वारे सदर बदलता मजकूर देण्यात येणार आहे .यामध्ये विविध विषयांची माहिती ध्वनि चित्र पद्धतीने प्रदर्शित केली जाईल.
जिल्हाधिकारी श्री पाण्डेय यांनी याची आज पाहणी केली यावेळी निवासी उपजिल्हाधिकारी प्रकाश आढाव पाटील उपविभागीय अधिकारी नामदेव टिळेकर आणि श्री महेश गोले उपस्थित होते यावेळी जिल्हाधिकाऱ्यांनी संबंधितास नागरिकांसाठी आवश्यक व महत्वपूर्ण माहिती देण्यासाठी या यंत्रणेचा उपयोग करावा असे सांगितले .

No comments:

Post a Comment