तेजन्यूजहेडलाईन्सचा तिसऱ्या वर्धापण दिन व दिवाळी निमित्त सर्व वाचकांना हार्दिक शुभेच्छा!

Thursday, 25 June 2020

परळीत युवकांच्या त्रासाला कंटाळून मुलीचा आत्महत्या


परळी वैजनाथ (प्रतिनिधी) : नर्सिगचे शिक्षण घेणाऱ्या विद्यार्थिनीने गळफास घेऊन आत्महत्या केल्याची घटना (दि. १२) परळीत उघडकीस आली होती. याप्रकरणी मुलीच्या वडिलांच्या तक्रारीवरून शहरातील एका तरुणावर अॅट्रॉसिटी आणि आत्महत्येस प्रवृत्त केल्याचा गुन्हा नोंदविण्यात आला आहे.

निकिता सखाराम जगतकर (वय २४, रा. जगतकर गल्ली, भीमनगर, परळी) असे आत्महत्या केलेल्या तरुणीचे नाव आहे. सखाराम जगताप यांनी दिलेल्या तक्रारीत नमूद केले आहे कि, निकिता सध्या नर्सिंगचे शिक्षण घेत होती. स्वभावाने खूप चांगल्या असणाऱ्या अनिता कोणासोबही वाद नव्हता. मात्र, काही काळापासून तिला उस्मान लतीफ शेख (रा. मुल्ला गल्ली, ईस्लामपुरा बंगला, परळी) हा तरुण सतत त्रास देत होता. उस्मान वारंवार तिला कॉल करत असे , धमक्याही देत होता. या सततच्या त्रासाला निकिता कंटाळली होती. या त्रासाबाबत तिने वडिलांना सांगितले. त्याचे कॉल घेऊ नकोस असा सल्ला तिला वडिलांनी दिला होता आणि ते इतर नातेवाईकांना सोबत घेऊन उस्मानला समजवण्यासाठी त्याच्या घरी जाणार होते. परंतु, त्यापूर्वीच दि. १२ जून रोजी आई वडील पुतण्याच्या लग्नासाठी गेले असताना निकिताने राहत्या घरी गळफास घेऊन आत्महत्या केली. दुपारी आई-वडील परतल्यानंतर ही घटना उघडकीस आली. निकिताच्या आत्महत्येला उस्मान हाच कारणीभूत आहे अशी तक्रार तिच्या वडिलांनी परळी शहर ठाण्यात दिली. याप्रकरणी उस्मान लतीफ शेख याच्यावर बुधवारी (दि. २४) अॅट्रॉसिटी आणि आत्महत्येस प्रवृत्त केल्याचा गुन्हा नोंदविण्यात आला. पुढील तपास उपविभागीय पोलीस अधिकारी राहुल धस करत आहेत.

No comments:

Post a comment