तेजन्यूजहेडलाईन्सचा तिसऱ्या वर्धापण दिन व दिवाळी निमित्त सर्व वाचकांना हार्दिक शुभेच्छा!

Thursday, 30 July 2020

महाबीजचे बियाणे उगवलेच नसल्याची आता चिंता नको; बियाण्याची रक्कम शेतकऱ्यांच्या खात्यात करणार जमा


अकोला :30 ( जमील पठाण)

 राज्यभरातून महाबीजचे बियाणे उगवलेच नसल्याच्या शेतकऱ्यांनी तक्रारी केल्या होत्या. त्यांचेपैकी काही शेतकऱ्यांना बियाणे बदलून देण्यात आले आहे तर, ज्यांनी बियाणे घेण्यास नकार दिला, त्यांच्या बँक खात्यात बियाण्याच्या किमतीची रक्कम जमा करण्यात येत असल्याची माहिती महाबीजकडून देण्यात आली आहे.खरीप २०२० करीता राज्यभरातील शेतकऱ्यांनी यंदाही महाबीजच्या सोयाबीन बियाणे पेरण्यासाठी पसंती दर्शविली होती. परंतु, बहुतांश भागातून बियाणे उगवलेच नाही, कमी भरले, निकृष्ट निघाले, शेतकऱ्यांकडून अशा प्रकारच्या तक्रारी प्राप्त झाल्या होत्या.
त्यामुळे महामंडळामार्फत अशा शेतकऱ्यांना ३२५०.१० क्विंटल बियाणे पुनरपेरणीकरिता उपलब्ध करून देण्यात आले असून, त्यापैकी आजपर्यंत ६१० शेतकऱ्यांनी ५८ लाख रुपयांची ७७९.९० क्विंटल बियाण्याची उचल केल्याची माहिती महाबीजने दिली आहे. परंतु ज्या शेतकऱ्यांनी बियाणे घेण्यास नकार दिला, अशा शेतकऱ्यांना तालुकास्तरीय बियाणे तक्रार निवारण समितीचे अहवाल तसेच बाधित शेतकऱ्यांच्या बँक खात्याची माहिती घेवून, बियाणे किमतीची रक्कम त्यांचे खात्यात जमा करण्याची प्रक्रिया सुरू करण्याची आल्याचे व आजपर्यंत १९.१२ लाख रुपये शेतकऱ्यांच्या खात्यात जमा करण्यात आल्याचे महाबीज प्रशासनाकडून सांगण्यात आले आहे.

No comments:

Post a comment