तेजन्यूजहेडलाईन्सचा तिसऱ्या वर्धापण दिन व दिवाळी निमित्त सर्व वाचकांना हार्दिक शुभेच्छा!

Monday, 31 August 2020

सरपोद्दार शालेय ग्रंथालयातर्फे विद्यार्थ्यांना करिअर विषयक अनोखे मार्गदर्शन



मुंबई:-  सध्याच्या कोरोना साथ आजारात शाळा बंद आहेत पण आँनलाईन शिक्षण चालू आहे. यातच नुकतेच दहावीचे निकाल लागलेत . अशांसाठी व शाळेत शिकणाऱ्या  विद्यार्थ्यांना दिशादर्शन होईल  असा उपक्रम  सायन येथील शीव शिक्षण संस्था संचालित  डी.एस . हायस्कूलचे अध्यक्ष राजेंद्र प्रधान यांचे मार्गदर्शन व मुख्याध्यापक अंकुश महाडिक यांच्या सहकार्याने  राबविण्यात येत आहे .झूम दूरदुश्य संवाद प्रणाली व फेसबुक समाजमाध्यमाच्या आधारे शाळेच्या सरपोद्दार ग्रंथालयाच्या मुख्य ग्रंथपाल व या कार्यक्रमाच्या प्रमुख सौ. मनिषा कडव आहेत.  वाटा स्वयंरोजगाराच्या या अनोख्या उपक्रमात  शाळेतील इयत्ता आठवी नववीचे विद्यार्थी व विद्यार्थ्यांनी  करिअर विषयक प्रश्नोत्तरे  शाळेचे माजी विद्यार्थी जे आज  अनेक क्षेत्रात आपले करिअर घडवित आहेत त्यांस  त्या क्षेत्रात येण्यासाठी  काय करावे लागते याचे मार्गदर्शन झूम दूरदुश्य संवाद प्रणालीव्दारे फेसबुक समाजमाध्यमाच्या मार्फत थेट प्रक्षेपण शाळेच्या विद्यार्थ्यांपर्यंत हा मुलाखतीचा कार्यक्रम पोहोचवला जात आहे .
आतापर्यंत मुलाखतीची चार पुष्पे झाली असून मरीन इंजिनीअर , डॉक्टर ,धातू अभियांत्रिकी या क्षेत्रांची माहिती  या क्षेत्रातील करिअर संबधीचे मार्गदर्शन  शाळेच्या माजी विद्यार्थ्यांनी  केलेले आहे . व त्यास शाळेतील विद्यार्थी व पालक माजी विद्यार्थी यांचा उदंड प्रतिसाद या उपक्रमास दिला आहे. असे शाळेच्या ग्रंथपाल सौ.मनिषा कडव यांनी कळविले आहे.

No comments:

Post a comment