तेजन्यूजहेडलाईन्सचा तिसऱ्या वर्धापण दिन व दिवाळी निमित्त सर्व वाचकांना हार्दिक शुभेच्छा!

Saturday, 29 August 2020

कोरोना संकटामुळे वडिलाची पुण्यतिथी साजरी करता येईना म्हणुन मुलाची बैचेनी

घाटमाथ्यावर वकिल साहेब नावाने परिचित कै. अॅड प्रभाकर दहिफळे 7 वे पुण्य स्मरण 

परळी वैजनाथ (प्रतिनिधी) :- 
   कोरोना संकटाने माणसाच्या सुख दुःख व्यवस्थेवर फार मोठा परिणाम झाला आहे , वर्तमान काळात एकिकडे जिवंत आई वडिलांना जन्मदाते वृद्धाश्रम चा रस्ता दाखवू लागले अस असतांना यंदा वडिलाची 7 पुण्यतिथी दरवर्षी प्रमाणे साजरी करता येईना म्हणुन मुलाची बैचनी अस्वस्थता वाढली आहे , भाजपाचे कार्यकर्ते माधवराव दहिफळे यांचा बाबद घडत असून त्यांचे वडिल कै , प्रभाकर राव  यांचे सातवे पुण्यस्मरण आज आहे , मात्र त्यांना चार भिंतीच्या आत पुजा करावी लागत आहे , दरवषी हाळम ता .परळी गावात किर्तन आणि गाव भोजन असा कार्यक्रम ठेवत
   कै .प्रभाकर राव  बाबुराव दहिफळे हे हाळम ता. परळी गावचे रहिवासी. सात वर्षांपूर्वी हृदयविकाराने त्यांचं निधन झालं. माधवराव दहिफळे हा त्यांचा मुलगा डॉ. वर्षा त्यांची बहीण प्रभाकरराव व्यवसायाने अंबाजोगाई आणि परळी न्यायालयात वकिलीचा व्यवसाय करत होते. शांत आणि मनमिळाऊ स्वभावाने लोकांची मनं जिंकत. भाजपाचे नेते स्व . गोपीनाथरावजी मुंडे साहेबांचे ते खास मित्र  होते .वैद्यनाथ सहकारी साखर कारखान्यामध्ये मुंडे साहेबांनी त्यांना संस्थापक-संचालक बनवलेलं होतं. धर्मापुरी, घाटनांदुर परिसरात मुंडे साहेब साठी ते जिवाचं रान करायचे. त्यांच्यावर साहेबांचा फार मोठा विश्वास होता .घाटमाथ्यावर त्यांना वकील साहेब म्हणून सर्वत्र ओळखा ले जात असे . अनेक वर्षापासून ते अंबाजोगाईला राहत होते. सामाजिक आणि राजकीय प्रतिष्ठा त्यांना होती. मुंडे साहेबावर त्यांचे प्रेम कधीच लपून राहिले नाही. प्रसिद्धीच्या  झोतात  न येता साहेबांच्या साठी पडद्यामागे काम करणारा निष्ठावान भक्त अशी पण ओळख असायची .मात्र सात वर्षांपूर्वी हृदयविकाराने त्यांचं निधन झालं. माधवराव दहिफळे हा त्यांचा मुलगा कृषी कंपनीमध्ये अगोदर नोकरी करत होते. वडीलाच्या जाण्यानंतर नोकरी सोडून घराची जबाबदारी आईच्या मार्गदर्शनाखाली सांभाळतात. दरवर्षी वडिलांची पुण्यतिथी आपल्या गावात मोठ्या प्रमाणावर साजरी करतात. नामांकित महाराजांना आणून किर्तन   गावाला स्नेहभोजन असा उपक्रम असतो. मात्र यंदा कोरणा संकटामुळे मला हा कार्यक्रम करता येत नाही ही अस्वस्थता त्यांच्या मनात खूप?  खरंतर आज जिवंत असलेल्या आई-वडिलांना जन्मदाते वृद्धाश्रमाचा रस्ता दाखवतात? त्यांचा सांभाळ करत नाहीत ,असं चित्र असताना वडिलांची सातवी पुण्यतिथी साजरी करता येईना म्हणून. मुलगा गेल्या आठ दिवसापासून मानसिक तणावात आहे. हा जो जिव्हाळा खरोखरच नव्या पिढीला आदर्श घेण्यासारखा आहे, आई वडिलांची पुण्यतिथी साजरी करणं म्हणजे त्यांच्या आत्म्याला शांती मिळणं. आणि मरणोत्तर अशी सेवा जर मुलं करीत असतील? तर खरच अशी माणसं परमेश्वराला खूप आवडतात. म्हणूनच म्हटलं जातं. कुळी कन्या पुत्र, होती जे सात्विक. तयाचा हरी क वाटे देवा. असंच माधवराव मुलाच्या बाबतीत म्हणता येईल .आज पुण्यस्मरण आहे यानिमित्ताने वडिलांची पूजाविधी व त्यांनी स्वतःच्या घरात ठेवली आहे. कोरणा संकटाचा हा परिणाम खऱ्या अर्थाने दिसून येतो. सुख दुःख  साजरा करता येईना हा नियतीचा खेळ आहे. तरीपण कोरोना गेल्यानंतर पुढच्या वर्षी वडिलांची पुण्यतिथी जोरदार साजरी करेल. अशा प्रकारची प्रतिक्रिया दहिफळे यांनी बोलून दाखवली.

No comments:

Post a comment